Njimbo 86
86
Ntembezelo wekukumbila bhatsho
1Zhulani zebe dzenyu, imwi Yahwe, mundidabile,
ngobe ndi nshayi kakale ndi nsheti.
2Tjengetani butjilo gwangu, ngobe ndakadumila mu muli,
tjidzani nlanda wenyu, unogalabgwe mu muli.
Mu Ndzimu wangu.
3Ibeni ne ngoni mundili, imwi She,
ngobe ndolilila kumuli zhuba lose.
4Shathisani meya ye nlanda wenyu, imwi She,
ngobe ndomilidzila meya yangu pezhugwi, kumuli.
5Ngobe imwi, imwi She, makalulwama kakale mozwiibhatigwa,
muzhele ludo gusingazunguzike muna bose banomudana.
6Zhulani zebe, imwi Yahwe, muhwe ntembezelo wangu.
Teedzani tjililo ne kumbila kwangu.
7Mu nsi we kudziyidzika kwangu ndodana imwi,
ngobe mondidabila.
8Akuna unonga imwi pakati kwe midzimu, imwi She,
kene kuli mishingo inonga yenyu.
9 #
Zumbunulo 15:4
Zwitjaba zose zwamakathama zowozha,
zwikathigama mbeli kwenyu She,
ngono zowokudza zina lenyu.
10Ngobe munkulukulu kakale mothama zwithu zwinotjenamisa,
imwi moga mu Ndzimu.
11Mundidiye zila yenyu, imwi Yahwe,
kuti ndizo ndiyende mu lebeswa lenyu,
mundipe moyo nng'ompela
kuti nditete zina lenyu.
12Ndomuboka, imwi She Ndzimu wangu,
nge moyo wangu wose,
ndowokudza zina lenyu nge kusingapele kose.
13Ludo gwenyu gusingazunguzike bukulu seni mundili,
makasunungula meya yangu mu bugalo gwe bafi.
14Banozwikudza bakandimukila, imwi Ndzimu,
goko le basina ngoni lovima butjilo gwangu,
ibo basina hanya namwi.
15Koga, imwi She, mu Ndzimu una ngoni ne lubu,
amuto tjimbidza gwadzamoyo
muzhele ludo gusingazunguzike ne kugalikabgwe.
16Shandukilani kundili mundihwile ngoni,
ipani nlanda wenyu simba
tjidzani nkololo we nlandakadzi wenyu.
17Mundilakidze tjilakidzo tje ndulamo yenyu,
kuti ndizo zwita zwangu zwitjibone zwibhakhwe nge shoni,
ngobe imwi Yahwe, makandibhatsha mukabuya mukandinyaladza.
Kalanga Bible © Bible Society of Botswana, 2008, 2018.