Njimbo 54
54
Ntembezelo wekukunda
1Munditjidze, Ndzimu, nge zina lenyu,
mundikundile nge simba lenyu.
2Ihwani ntembezelo wangu, Ndzimu;
teedzani matama e nlomo wangu.
3Bathu basina mazwibhato babe pezhugwi kwangu bendigwisa,
bathu basina ngoni banovima butjilo gwangu;
abatotungamidza Ndzimu mbeli kwabo.
4Iko malebeswa, Ndzimu mbatshi wangu;
She mmilidzi we butjilo gwangu.
5Unowobgwilizila zwita zwangu bubi gwazo.
Mukugalika bgwe kwenyu, mubapeleledze.
6Nge tjipo tjandadusa nge ludo ndowomuthamila tjibhayilo;
ndowoboka zina lenyu, Ndzimu, ngobe lakalulwama.
7Ndzimu wakanditjidza mukudziyidzika kose,
ngono zhisho langu lolinga zwita zwangu nge kukunda.
Kalanga Bible © Bible Society of Botswana, 2008, 2018.