Njimbo 53
53
Mbipo ye nthu
(Lumbo 14)
1 #
Baroma 3:10-12
Tjilengwe tjoti mu moyo watjo,
“Akuna Ndzimu.”
Bakabola nkumbulo, banothama zwithu zwakabipa;
Akuna iye unothama tjakalulwama.
2Ndzimu unolinga bathu uli kudzimu
kubona kuti kene kuna wakatjenjela,
unoshaka Ndzimu.
3Bose bakawa, bose banofanana koga,
mukusalulwama kwabo;
akuna iye unothama kwakalulwama,
aa, ndodwa ne nng'ompela dumbu.
4Apa abana luzibo, ibabo bashingi be bubi kene,
ibabo banoja bathu bangu se banoja tjiwunga,
kakale basingadane Ndzimu?
5Ipapo banowobe ne kutja kukulu,
mu kutja kusathu kukatongobe yapo,
ngobe Ndzimu unowopaladza mafupa e basina budzimu;
banowobhatisiwa shoni, ngobe Ndzimu wakabalasha.
6Dzene jidzo le Iziraela labe lidwa mu Ziyoni!
Ndzimu aubgwiliza thundu ye bathu bawo,
Jakubo unowoshatha; Iziraela unowoshatha.
Kalanga Bible © Bible Society of Botswana, 2008, 2018.