Njimbo 41
41
Ntembezelo mu kugwala
1Iye unokumbula bashayi wakakombolegwa,
Yahwe banonsunungula mu nsi we mbatsha.
2Yahwe banontjengeta bakantjidza.
Unodang'wa wakakombolegwa.
Amutonletjedzela kuda kwe zwita zwizwe.
3Yahwe banonsimisa ha ali mu thobo dzinopisa.
Mompodza mu kugwala kukwe mukansimisa.
4Nge kwangu imi ndakati,
“Yahwe, mundihwile ngoni
mundipodze, ngoti ndakamutjinyila.”
5Zwita zwangu nge yemula mbiimbi zoti nge kwangu,
“Unowofa lini zina lile likatongokanganika?”
6Koga ha mmwe ezha kuwondibona,
unoleba matama asina tjaanodwa,
mu moyo uwe ekubunganya zwakabipa.
Ha ebhudila kuzhe unozwiandamisa.
7Bose bakandibenga banondiseba,
banokumbula kuti ndowowigwa ne zwakabipisisa.
8Beti tjithu tjinobulaya tjakandinamatila,
aatjowomuka kakale paalele.
9 #
Matewu 26:23; Mako 14:18; Luke 22:21; Johani 13:18 Naiye nzwalani wangu nkulu
wandakabe ndigalabgwe munli,
iye watakabe tija tjiwunga tjangu tose,
wakatjindishandukila.
10Koga imwi, Yahwe, ibeni ne ngoni nami
mundimilidze kuti ndibabgwilizile.
11Ndiyeyo zila ndowoziba kuti moshathiswa ndimi,
ngoti tjita tjangu atjizondikunda.
12Koga makandisimisa nge zila yekutambunuka kwangu,
mukandigadza pa muli nge kusingapele.
13 #
Njimbo 106:48
Ngabakudziwe Yahwe Ndzimu we Iziraela,
kudwa ntolo kunoti ne kusingapele kose.
Ngakujalo Ngakujalo.
Kalanga Bible © Bible Society of Botswana, 2008, 2018.