Njimbo 24
24
Mambo
1 #
1 Bakorinta 10:26
Shango ngeya Yahwe naiko kose ku muili,
lubumbo na bose bagele muguli,
2ngoti bakagubamba pezhugwi kwe makungwa,
bakathama thiwa dzago pezhugwi kwe njizi.
3Ndiyani ungatatha dombo la Yahwe?
Ndiyani unowoma mu bugalo
gwabo gwakayengemala?
4 #
Matewu 5:8
Ndi ibabo bana maboko
mabuyanana ne mimoyo yakatjena.
Basinganginikane nge ndzimu we manyepkhwa,
basingatune kwe bupitipiti.
5Banowoamutjila makombolelo kuna Yahwe,
kusabe ne nlandu kwabo
kowotendekwa nge Ndzimu we jidzo labo.
6Bakajali nge be gupo linoushaka,
ibo banoshaka buso gwe Ndzimu wa Jakubo.
7Milidzani misholo yenyu imwi mikoba!
Zhukani imwi zwizhalilo zwa ntolo
kuti ndizo mambo we tjedza angine.
8Mambo be masimba ndiyani?
Ndi Yahwe bakasima bana masimba,
ndi Yahwe bakasima mu ngwa.
9Milidzani misholo yenyu imwi mikoba!
Zhukani imwi zwizhalilo zwa ntolo,
kuti ndizo mambo be masimba bangine.
10Mambo be tjedza ndiyani?
Ndi Yahwe be Mibunga,
ndibo mambo be tjedza.
Kalanga Bible © Bible Society of Botswana, 2008, 2018.