Njimbo 20
20
Ntembezelo unokumbila kukunda
1Yahwe ngabakudabile mu nsi we kudziyidzika!
Zina le Ndzimu wa Jakubo likubakilile!
2Ngabakutumile bhatsho
kudwa mu bugalo gwabo
gwakayengemala,
bakuazhe bali mu Ziyoni.
3Dzene bangakumbula
zwipo zose zwawakabadusila,
baamutjile zwibhayilo zwizo zwinopisiwa.
4Ngabakupe tjinoyemugwa nge moyo uwo,
bashingikadze ndongoloso dzidzo dzose.
5Towopululudza nge kushatha ngoti wakunda
towomilidza fulaha dzedu mu zina le Ndzimu wedu!
Dzene Yahwe bangakushingila zose zwaunokumbila.
6Ngwenu ndoziba kuti Yahwe
banobhatsha nzhodziwa wabo,
banon'dabila kudwa kudzimu
kwabo kwakayengemala
nge kukunda kwabo kukulu.
7Bamwe banozwikudza
ngekwe koloyi dzabo dze ngwa.
Bamwe banozwikudza
ngekwe mbizi dzabo.
Koga iswi tozwikudza
ngekwe zina la Yahwe Ndzimu wedu.
8Banowodzunguluka bakawila pasi,
koga iswi towomilika tikama takashongoloka.
9Yahwe thamani kuti mambo bakunde,
muti dabile ha tidana.
Kalanga Bible © Bible Society of Botswana, 2008, 2018.