Njimbo 149
149
Lumbo gwe gudzo
1Kudzani Yahwe!
Mbilani Yahwe lumbo gutshwa,
kudziwa kwabo kumu gubungano le bagalimoyo.
2Iziraela ngaashathile Mbumbi uwe,
bana be Ziyoni ngabashathile mambo wabo.
3Ngabakudze zina labo ngozana,
mubambile kunozipa mu lidza thamborini ne laya.
4Ngobe Yahwe banowana nzhazho mu bathu babo,
banonakisa banozwiyisa pasi ngokunda.
5Bagalimoyo ngababakudze mu kukunda kwabo,
ngabambe nge shatho bali mu malalo abo.
6Gudzo gulu le Ndzimu ngalibe mu mimoyo yabo
ne makano anotema ntha dzose mu maboko abo,
7Kuti babgwilizile be zwitjaba,
ne kuloba bathu shamu,
8kusunga bomambo nge mitjili
na botumbale babo ne dziketani,
9kuti bashingikadze sumikiliso ngekwe nlayo.
Oku i gudzo mu bagalimoyo babo.
Kudzani Yahwe!
Kalanga Bible © Bible Society of Botswana, 2008, 2018.