Njimbo 136
136
Lumbo gwe kutenda
1 #
1 Zwiyitikalo 16:34; 2 Zwiyitikalo 5:13; 7:3; Ezera 3:11; Njimbo 100:5; 106:1; 107:1; 118:1; Jeremiya 33:11 Tendani Yahwe, ngobe bakalulwama,
ngobe ludo gwabo gusingazunguzike
gumile nge kusingapele.
2Tendani Ndzimu we midzimu,
ngobe ludo gwabo gusingazunguzike
gumile nge kusingapele.
3Tendani She wa boshe,
ngobe ludo gwabo gusingazunguzike
gumile nge kusingapele.
4Ndibo boga banothama matjenamiso makulu,
ngobe ludo gwabo gusingazunguzike
gumile nge kusingapele.
5 #
Kutangisa 1:1
Ibo nge hwisiso yabo bakathama kudzimu,
ngobe ludo gwabo gusingazunguzike
gumile nge kusingapele.
6 #
Kutangisa 1:2
Ibo bakawala shango pezhugwi kwe vula,
ngobe ludo gwabo gusingazunguzike
gumile nge kusingapele.
7 #
Kutangisa 1:16
Ibo bakathama mavone makulu,
ngobe ludo gwabo gusingazunguzike
gumile nge kusingapele.
8Bakathama zhuba kuti libuse masikati,
ngobe ludo gwabo gusingazunguzike
gumile nge kusingapele.
9Bakathama mwedzi ne nyenyedzi
kuti zwibuse busiku,
ngobe ludo gwabo gusingazunguzike
gumile nge kusingapele.
10 #
Kufuluka 12:29
Bakaloba Egipiti ngobulaya mbano dzabo,
ngobe ludo gwabo gusingazunguzike
gumile nge kusingapele.
11 #
Kufuluka 12:51
Kakale bakadusa Iziraela pakati kwabo,
ngobe ludo gwabo gusingazunguzike
gumile nge kusingapele,
12nge tjiazha tjakasima
ne luboko gwakatambunuka,
ngobe ludo gwabo gusingazunguzike
gumile nge kusingapele.
13 #
Kufuluka 14:21-29
Ibo bakathubukanya Gungwa Shaba na pakati,
ngobe ludo gwabo gusingazunguzike
gumile nge kusingapele,
14ngono bakapalamisa Iziraela pakati kwago,
ngobe ludo gwabo gusingazunguzike
gumile nge kusingapele,
15koga kafukidza Faro ne babhayani babe
mu Gungwa Shaba,
ngobe ludo gwabo gusingazunguzike
gumile nge kusingapele.
16Ibo bakatungamila bathu babo mu tjilambanyika,
ngobe ludo gwabo gusingazunguzike
gumile nge kusingapele.
17Ibo bakabulaya bomambo,
ngobe ludo gwabo gusingazunguzike
gumile nge kusingapele,
18kakale bakabulaya bomambo bana tjilumbi,
ngobe ludo gwabo gusingazunguzike
gumile nge kusingapele,
19 #
Mbalo 21:21-30
Sihoni mambo we Bamori,
ngobe ludo gwabo gusingazunguzike
gumile nge kusingapele,
20 #
Mbalo 21:31-35
na Ogi, mambo we Bhashani,
ngobe ludo gwabo gusingazunguzike
gumile nge kusingapele,
21bakakoba shango yabo kube lukata,
ngobe ludo gwabo gusingazunguzike
gumile nge kusingapele,
22lukata ku balanda babo Baiziraela,
ngobe ludo gwabo gusingazunguzike
gumile nge kusingapele.
23Ndibo bakatikumbula
patakabe tikuligwa nge mishingo yedu,
ngobe ludo gwabo gusingazunguzike
gumile nge kusingapele,
24kakale bakatiangula mu zwita zwedu,
ngobe ludo gwabo gusingazunguzike
gumile nge kusingapele.
25Ibo banopa bathu bose zojiwa,
ngobe ludo gwabo gusingazunguzike
gumile nge kusingapele.
26Tendani Ndzimu we kudzimu,
ngobe ludo gwabo gusingazunguzike
gumile nge kusingapele!
Kalanga Bible © Bible Society of Botswana, 2008, 2018.