Njimbo 118
118
Ntembezelo wekutenda
1 #
1 Zwiyitikalo 16:34; 2 Zwiyitikalo 5:13; 7:3; Ezera 3:11; Njimbo 100:5; 106:1; 107:1; 136:1; Jeremiya 33:11 Isani dendo kuna Yahwe, ngobe bakalulwama,
ludo gwabo gusingazunguzike gumile nge kusingapele.
2Iziraela ngaati, “Ludo gwabo gusingazunguzike
gumile nge kusingapele.”
3Be ng'umba ya Aroni ngabati,
“Ludo gwabo gusingazunguzike
gumile nge kusingapele kose.”
4Ibabo banotja Yahwe ngabati,
“Ludo gwabo gusingazunguzike
gumile nge kusingapele kose.”
5Ndakati ndili mu buyendasi adana Yahwe,
bakandidabila nge kundisunungula.
6 #
Bahebheru 13:6
Yahwe bamile nami, anditotja.
Apa ndingashingwani nge nthu wali?
7Yahwe bamile nami kuti bandibhatshe,
ndolinga zwita zwangu zwikundiwa.
8Koyita kutizhila muna Yahwe
pana kugalabgwe mu nthu.
9Koyita kutizhila kuna Yahwe
pana kugalabgwe mu bakololo be bushe.
10Zwitjaba zose zwakandipoteleka,
koga nge zina la Yahwe ndakazwitemelela.
11Zwakabe zwakandikomba ntha dzose,
koga nge zina la Yahwe ndakazwitemelela!
12Zwakabe zwakandimomotela se nyutji
zwithathanyika se moto we mimihwa,
koga nge zina la Yahwe ndakazwitemelela!
13Ndakatshindikigwa shule kwandakashokowa
koga Yahwe bakandibhatsha.
14 #
Kufuluka 15:2; Isaya 12:2 Yahwe ndibo simba langu ne lumbo gwangu,
batjibe ibo jidzo langu.
15Mipululu ye shatho ne kukunda
inohwika mu mishasha ye balulwami beti,
“Luboko gwe luji gwa Yahwe gwakathama zwikulu!
16Luboko gwe luji gwa Yahwe gomilidzigwa pezhugwi!
Luboko gwe luji gwa Yahwe gwakathama zwikulu!”
17Andingafe, koga ndowotjila,
ndibuya nditaula ngekwe mishingo ya Yahwe.
18Yahwe bakandiloba kunogwadza,
koga abazondibulaya.
19Mundizhulile mikoba ye ndulamo,
kuti ndingine ndiyo nditende Yahwe.
20Iwoyu ndiwo nkoba wa Yahwe
balulwami banowongina ndiwo.
21Ndomutenda ngoti makandidabila
kakale mabe jidzo langu.
22 #
Luke 20:17; Mishingo 4:11; 1 Pita 2:7 #
Matewu 21:42; Mako 12:10, 11 Bgwe lakalambiwa nge babaki
ndilo latjibe bgwe linotambunudza mbako.
23Ikoku ndikwakathamwa ndi Yahwe,
kotjenamisa mu mesho edu.
24Ileli ndilo zhuba lakathamwa ndi Yahwe,
ngatishatheni tishaladuke mulili.
25 #
Matewu 21:9; Mako 11:9; Johani 12:13 Mutitjidze, tomukumbila imwi Yahwe,
imwi Yahwe, tomukumbila, mutipe kukunda!
26 #
Matewu 21:9; 23:39; Mako 11:9; Luke 13:35; 19:38; Johani 12:13 Wakakombolegwa iye unozha nge zina la Yahwe.
Tomukudza kudwa mu ng'umba ya Yahwe.
27Yahwe ndibo Ndzimu,
kakale bakatipa tjedza.
Makabhata thabi, thamani nlongolongo,
muswike pa tjibeso tjinopisigwa zwibhayilo.
28Mu Ndzimu wangu, ngono ndowomutenda,
mu Ndzimu wangu, ndowomukudza.
29Tendani Yahwe, ngobe bakalulwama,
ngobe ludo gwabo gusingazunguzike gumile nge kusingapele kose.
Kalanga Bible © Bible Society of Botswana, 2008, 2018.