Njimbo 110
110
Yahwe na mambo wabakazwishalulila
1 #
Matewu 22:44; Mako 12:36; Luke 20:42, 43; Mishingo 2:34, 35; 1 Bakorinta 15:25; Baefeso 1:20-22; Bakolosa 3:1; Bahebheru 1:13; 8:1; 10:12, 13 Yahwe bakati kuna she wangu,
“Gala ku luboko gwangu gwe luji
kuswikilila ndithama zwita zwizo tjigalo tje makumbo awo.”
2Yahwe banowotambunudza swimbo ye simba lilo,
kudwa mu Ziyoni.
Busa pakati kwe zwita zwizo.
3Bathu babo banowozwipa mu zhuba launowotungamila ngwa.
Bakalongoloka nge mbumbiko yakayengemala.
Kudwa mu ntumbu we mangwanana,
bazhuzha babo banowozha ku kuli se khawa.
4 #
Bahebheru 5:6; 6:20; 7:17, 21 Yahwe bakatuna ngono abatowoshandula nkumbulo wabo,
“U mpirisiti ngekusingapele ngekwe ndongoloso ya Melikizedeki.”
5She baku luboko gugo gwe luji,
unowopkhwanya bomambo mu zhuba le kugwadzamoyo kwabo.
6Unowosumikilisa pakati kwe zwitjaba,
ezhadza shango nge zwitumbu,
unowopkhwanya misholo
mu shango yose.
7Unowong'wa mu likobana gupa hwunde ne mwazha,
ndizo unowomilidza nsholo uwe.
Kalanga Bible © Bible Society of Botswana, 2008, 2018.