Njimbo 101
101
Kugadzabgwe kwa mambo
1Ndowomba ngekwe kugalikabgwe ne ndulamo
ndowombila imwi Yahwe.
2Ndowozwidiya zila dzakalulwama.
Apa mowozha kundili lini kene?
Ndowoyenda nge moyo ntjena,
mu ng'umba yangu.
3Anditowobiga tjimwe,
pa mesho angu tjakabipa.
Ndobenga bathu be mija yakabhuda
mu zila, aingandinamatile.
4Moyo wakakombama unowobe kutjena nami,
anditowoziba tjimwe ngekwe bubi.
5Iye unowoleba shaya ngekwe mbakidzani naye ndowonlobesa.
Nthu we mesho akakangadzika ne moyo we mazwikudzo,
anditowonletjedzela.
6Ndowoma ne banogalikabgwe mu shango,
kuti ndizo batjile nami,
mmwe ne mmwe unoyenda mu zila isingasoleke, unowondishingila.
7Akuna nthu unothama butjebeli
unowogala mu ng'umba yangu,
akuna nthu unoleba manyepkhwa unowogala pandili.
8Mangwanana mamwe ne mamwe ndowolobesa
babi bose mu shango,
ndithubula bashingi be bubi bose
kudwa mu nzi nkulu wa Yahwe.
Kalanga Bible © Bible Society of Botswana, 2008, 2018.