Makungulupeswa 27
27
1 #
Jakubo 4:13-16
Usitongo babgwa nekwe mangwana,
ngobe autoziba kuti la nasi lowoshwa la zhisani.
2Ima mmwe nthu akukulumbidze, kusi ne nlomo uwo;
nthu upoga, kusi iwe.
3Bgwe lolema, nsetje ntolo,
koga kuthumulana kwe tjilengwe kolema kupinda bubili gwazo.
4Bushongola bukukutu, kugwadzamoyo ko kulila,
ngono ndiani ungamidzana ne fupa?
5Kutjemelela patjena
kopinda ludo gwakasumbikika.
6Mabanga awapiwa ne nkwinya anoyita
pana kuputiwa nge tjita kanjinji.
7Wakaguta unolamba butji,
koga unazhala unoti ne kunobaba kose kozipa.
8Nlume unosiya nsha uwe, unonga nyuni, inowulukila kule ne shaka layo.
9Mafuta ne zwinonuhwilila zogutsha moyo,
kushathisa kwe nzwalani kodwa mu moyo ekumbuludza.
10Nzwalani uwo ne nzwalani wa tate babo usibalashe,
Usitongo yenda ku nzi we mwana wa tate babo zhuba le manikano.
Mbakidzani uwo upejo unoyita
pa mwana wa tate babo ukulekule.
11Tjenjela nkololo wangu, u shathise moyo wangu,
kuti ndishandule iye unondigongobola.
12Nthu wakatjenjela unobona mbatsha kabgwata,
koga usina mano unodwilila ewila mu mbatsha.
13Mutolele tjiambalo nthu wa zwisunga kulipila ntaya,
ha e milila ntaya mu mbhatile thundu.
14Iye unokombolela mbakidzani uwe nge hwi lipezhugwi,
emuka mangwanana,
unowotogwa se unolonga bhiso.
15Vula inona idumbilidza zhuba lose,
ne nkadzi unosilinga zofanana,
16ha uti unondzibisa konga unomisa phepo
kene ku bhata mafuta nge luboko gwe luji.
17Butale gokuswa butale,
ne nthu unokuswa umwe nthu.
18Iye unotjengeta mpaya unowoja zwizwalo zwawo,
na iye unotjengeta tetshi uwe unowokudziwa.
19Semu vula tjiso tjilingisana ne tjiso,
saikoko moyo we nthu unolingisana ne nthu.
20Lufu ne Golomodzo azwitotongoguta,
ne mesho e nthu aatofa aguta.
21Hali inonyawusa ngeye siliva, koga vutho ngeye golide,
ngono nthu unozibgwa ngo kudzwa kwaanokudziwa ndiko.
22Nenguba ungakhwilanya tjilengwe ne mathunde nge nsi mu duni,
atjingalashe bulengwe gwatjo.
23Ziba kwazo tjimo tje ngubi dzidzo,
utjengete zwibuya matanga e zwithuwo zwizo,
24ngobe fumwa aitogalila tjose,
apa tjiala tje bumambo tjogala kuswikila ku zwizekugwana zose kene?
25Bushwa ha gwa pela, lukulakula gu mela,
ne bushwa gumu matombo gukubunganyiwa,
26pkhwizi dzowokuwanila zwiambalo,
ne mbudzi dziwanisa mari ethemba ye minda,
27kowobe ne nkaka we mbudzi wakalizana zojiwa zwizo,
zojiwa zwe nsha uwo
ne kujisa balandakadzi babo.
Kalanga Bible © Bible Society of Botswana, 2008, 2018.