Bafilipi 4
4
Ndayo
1Ndizo ngwenu zwikamu zwangu, imwi bandinoda kakale bandakashuba, imwi kushatha ne kuzwikudza kwangu, bhatisani musimise muna She badiwa bangu.
2Ndokumbila ndakasimisila Yuwodiya na Sintike kuhwanana muna She. 3Ndokukumbilabo iwe unoshinga nami nge malebeswa, kuti mubhatshe bakadzi ibabo, ngobe bagala beshinga nami bakasimisila mu nshingo we ndebo mbuya na Kilementi ne bashingi bamwe bose be mazina amu lukwalo gwe butjilo.
4Shathani muna She misi yose. Ndowoleba kakale nditi, shathani.
5Buthu gwenyu ngagube patjena, gubong'we nge bathu bose. She babe pejo pejo. 6Musidziyidzike nge tjimwe, koga kumbilani tjimwe ne tjimwe mu Ndzimu nge mitembezelo nenge kuboka. 7Ngono kunyalala kwe Ndzimu kopinda hwisiso yose, inowotjengeta mimoyo ne mikumbulo yenyu muna Kirisiti Jesu.
8Tje bupelo, zwikamu, mualakane kwazo ngekwe tjimwe ne tjimwe tje malebeswa, tjimwe ne tjimwe tjingakudziwa, tjimwe ne tjimwe tjakalulwama, tjimwe ne tjimwe tjibuyanana, tjimwe ne tjimwe tjinoshathisa, tjimwe ne tjimwe tjinolingika, ha kuli kuti kuna tjimwe tjina ndulamo, tjakalizana kudziwa, kumbulani ngekwe zwithu zwakajalo! 9Tjamakazwidiya ne tjamakaamutjila ne tjamakahwa ne tjamakabona mundili mutjithame, ngono Ndzimu we kunyalala unowobe namwi.
Kubokela zwipo zwe Bafilipi
10Ndoshatha kwazo muna She, kuti gwa shule molakidza kuti mutjakumbula nge kwangu. Malebeswa hwuti, magala mukumbula nge kwangu, koga musheta tjibaka tje kuzwilakidza. 11Ate kuli kuti ndong'ong'ola ngekwe zwandinosheta, ngobe ndakazwidiya kuti, mu tjimo tjimwe ne tjimwe tjandili mutjili, ndiwile zwilopa. 12Ndoziba kuti sheta kwakatini, kakale ndoziba kuti kube ne kunjinji kwakatini. Mu tjimo tjimwe ne tjimwe ndakazwidiya butjenjedu gwakasumbikala gwe kuguta ne zhala, gwe kube nge fumwa. 13Ndingashinga tjimwe ne tjimwe nge simba lile, iye unondisimisa.
14Koga makathama buthu kushanganyila nami manikano dzangu. 15Ngono imwi Bafilipi nge kwenyu moziba kuti mu kutangisa kwe ndebo mbuya, pandakadwa ku Makedoniya, akuna gubungano lakabhatana nami mu kupa ne mu kuamutjila, amusi imwi moga, 16#Mishingo 17:1#2 Bakorinta 11:9ngobe ne ndili ku Tesalonika, makanditumilila bhatsho mupaphulula ha ndi ishaka. 17Ate kuli kuti ndoshaka tjipo tjenyu; koga ndoshaka kuti mbuzilo ipaphiwe muna zwamakabiganya. 18#Kufuluka 29:18Ndakalipiwa ndipo izhele, kakale inopinda, ndina kose kwandinoshaka se ndakaamutjila muna Epafurodito zwipo zwamakatumilila, zwipo zwinonuhwa kunozipa, tjibhayilo tjinoamutjilika, tjinoshathisa Ndzimu. 19Ngono Ndzimu wangu unowomupa zose zwamunosheta, kuyendidzana ne fumwa yawo hwulu muna Kirisiti Jesu. 20Ku Ndzimu, Tate bedu ngakube ne gudzo nge kusingapele kose. Ngakujalo.
Matama e bupelo
21Dumilisani bayengemali bose muna Kirisiti Jesu. Zwikamu zwinami zomudumilisa. 22Bayengemali bose banomudumilisa, kwazo be nsha wa Kaisara.
23Ngoni dza She Jesu Kirisiti ngadzibe mu meya yenyu. Ngakujalo.
Kalanga Bible © Bible Society of Botswana, 2008, 2018.