Mbalo ZIBISO NGEKWE LUKWALO IGOGU
ZIBISO NGEKWE LUKWALO IGOGU
Lukwalo gwe Mbalo goleba ngekwe thawu dze Baiziraela mu makole angabhata makumi manna (40) kudwa mu tjibaka tjabakadwa pa Dombo le Sinai kudzina benoti ku n'gathu we ku bhezhuba we shango yabakabe bagadziwabgwe nge Ndzimu. Zina le lukwalo lolakidza mongo we ndebo yago ili kubagwa kwe Baiziraela ndi Mushe bali ku Dombo le Sinai basathu bakamilika ne kubagwa kwe Baiziraela kakale bali ku Moabu bhezhuba kwe gwizi gwe Jorodani, kungabe shule kwe tjibaka tje tjizekugwana tjing'ompela. Mu tjibaka tjipakati kwe kubagwa ikoko kubili, Baiziraela bakayenda ku Kadeshibhareneya nge mu n'gathu we Kanana, koga kudwa ipapo bakakong'wa ngina mu shango ye kugadziwabgwe. Shule kwe kugala makole manjinji bali ipapo, bakayenda ku ntuthu uku bhezhuba kwe gwizi gwe Jorodani, pakati gwamu limwe le bathu likagalapo, bamwe bakazwilulwamisila kutjuluka gwizi bengina mu Kanana.
Lukwalo gwe Mbalo itshambiso ngekwe bathu bakabe beti misi ne misi betemeka mafupa kakale bana lutjo gwe bulemo gwakabe gwakalingisana nabo ne bakabe bebuya bepandukila Ndzimu na Mushe, iye nlume wakabe ashalugwa nge Ndzimu kubatungamila. Thawu dze kugalikabgwe kwe Ndzimu, kusimidzila kutjengeta bathu bawo nenguba bekong'wa basingauhwilile ne kusazunguzika kwa Mushe ne kuzwipa kukwe ku Ndzimu ne ku bathu bawo, nenguba mu zwimwe zwibaka akabe esopela meya.
Zwimu lukwalo igogu nge bufupi
Baiziraela banozwilulwamisila ku milika mu Dombo le Sinai 1:1—9:23
a. Kubagwa kwe bathu 1:1—4:49
b. Mimwe milayo ne milawana 5:1—8:26
d. Nzano we Kupinda Pezhugwi we bubili 9:1-23
Kudwa mu Dombo le Sinai kunoti ku Moabu 10:1—21:35
Kubagwa kwe bathu ku Moabu 22:1—32:42
Gwendo kudwa ku Egipiti kunoti ku Moabu nge bufupi 33:1-49
Ndaulo basathu bakatjuluka gwizi gwe Jorodani 33:50—36:13
Currently Selected:
Mbalo ZIBISO NGEKWE LUKWALO IGOGU: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.