Mbalo 33
33
Gwendo kudwa mu Egipiti kunoti ku Moabu
1Eyi i ndongoloso ye mazina ne magalo akati Baiziraela bakakotokela muili pakudwa kwabo ku Egipiti bakatungamigwa ndi Mushe na Aroni. 2Mushe wakakwala pasi kutanga nge pa bakamilikapo, eyenda elakidza pabakabe beyenda bekotokela. Mushe wakakwala pasi zina le bugalo gumwe ne gumwe pabakabe bakotokela. 3Bathu be Iziraela bakabhuda mu shango ye Ramesesi mu zhuba le bugumi lina bushanu mu mwedzi we kutanga mu gole, tjimuka kwalala kuli Nzano we Kupinda pezhugwi wa Yahwe. Bakamilika mu nzi nkulu Ramesesi betshamba bakasima mu mesho e Baegipiti, Baegipiti bose bakabalinga. 4Baegipiti ibo bakabe batjabiganya mbano dzabo dzakabe dzabulawa ndi Yahwe. Midzimu yabo naiyo Yahwe bakayisumikilisa.
5Bathu be Iziraela bakamilika mu Ramesesi, bakanokotokela ku Sukoti. 6Bakamilika mu Sukoti, bakanokotokela ku Etamu, pa phelelo dze tjilambanyika. 7Bakamilika mu Etamu, bakashandukila ku Pihahiroti, bhezhuba kwe Bhalizefoni, bakakotokela pejo ne Migidolo. 8Bakamilika mbeli kwe Pihahiroti, bakapalama gungwa benothuka bali mu tjilambanyika, ngono bakatola gwendo gwe mazhuba matatu mu tjilambanyika tje Etamu, bakanokotokela ku Mara. 9Bakamilika mu Mara, bakanokotokela ku Elimu pakabe kuna misenya ye vula ili gumi lina bubili ne miti ye milala ili makumi ali kutendeka. 10Bakamilika mu Elimu, bakanokotokela pawunde ye Gungwa Shaba. 11Bakamilika pa Gungwa Shaba, bakanokotokela mu tjilambanyika tje Sini. 12Bakamilika mu tjilambanyika tje Sini, bakanotokela ku Dofuka. 13Bakamilika mu Dofuka, bakanokotokela ku Alushi. 14Bakamilika mu Alushi, bakanokotokela ku Refidimu, pakabe kusina vula inong'wiwa nge bathu. 15Bakamilika mu Refidimu, bakanokotokela mu tjilambanyika tje Sinai. 16Bakamilika mu tjilambanyika tje Sinai, bakanokotokela ku Kiberotihathava. 17Bakamilika mu Kiberotihathava, bakanotokela ku Hazeroti. 18Bakamilika mu Hazeroti, bakanotokela ku Ritema. 19Bakamilika mu Ritema, bakanokotokela ku Rimonipherezi. 20Bakamilika mu Rimonipherezi, bakanokotokela ku Libina. 21Bakamilika mu Libina bakanokotokela ku Risa. 22Bakamilika mu Risa, bakanokotokela ku Kehelata. 23Bakamilika mu Kehelata, bakanokotokela ku Dombo le Sheferi. 24Bakamilika mu Dombo le Sheferi, bakanokotokela ku Harada. 25Bakamilika mu Harada, bakanokotokela ku Makeloti. 26Bakamilika mu Makeloti, bakanokotokela ku Tahati. 27Bakamilika mu Tahati, bakanokotokela ku Tera. 28Bakamilika mu Tera, bakanokotokela ku Mitikha. 29Bakamilika mu Mitikha, bakanokotokela ku Heshimoni. 30Bakamilika mu Heshimoni, bakanokotokela ku Museroti. 31Bakamilika mu Museroti, bakanokotokela ku Bhenejaakani. 32Bakamilika mu Bhenejaakani, bakanokotokela ku Horihagigadi. 33Bakamilika mu Horihagigadi, bakanokotokela ku Jotibhatha. 34Bakamilika mu Jotibhatha bakanokotokela ku Aberona. 35Bakamilika mu Aberona, bakanokotokela ku Eziyonigeberi. 36Bakamilika mu Eziyonigeberi, bakanokotokela mu tjilambanyika tje Zini (tjinoyi, Kadeshi). 37Bakamilika mu Kadeshi, bakanokotokela ku Dombo le Hori, pa phelelo dze shango ye Edomu.
38 #
Mbalo 20:22-28; Matama 10:6; 32:50 Nge ndaulo ya Yahwe Mpirisiti Aroni katathila pezhugwi kwe Dombo le Hori, kanofilako. Wakafa nge zhuba le kutanga mu mwedzi we bushanu#33:38 mwedzi we bushanu: Mu Tjihebheru kodwiwa mwedzi wa Mapebgwe ulipakati kunoti ku Mwedzi wa Nja ulipakati. we gole le bugumi lina bunna shule kwe kubhuda kwe Baiziraela mu Egipiti. 39Aroni wakafila pezhugwi kwe Dombo le Hori, ana makole ali zana lina makumi mabili ne butatu (123).
40 #
Mbalo 21:1
Ngono mambo we Aradi we Nkanana, wakabe egala mu Negebu mu shango ye Kanana, kahwa ngozha kwe bathu be Iziraela.
41Bakamilika mu Dombo le Hori, bakanokotokela ku Zalimona. 42Bakamilika mu Zalimona, bakanokotokela ku Punoni. 43Bakamilika mu Punoni bakanokotokela ku Oboti. 44Bakamilika mu Oboti, bakanokotokela ku Iyeabarimu, mu ntuthu we Moabu. 45Bakamilika mu Iimu#33:45 Iimu: Dama ileli mu Tjihebheru ndilo zwalo Iyeabarimu., bakanokotokela ku Dibonigadi. 46Bakamilika mu Dibonigadi, bakanokotokela ku Alimonidibilataimu. 47Bakamilika mu Alimonidibilataimu, bakanokotokela mu matombo e Abarimu, pejo ne Nebo. 48Bakamilika mu matombo e Abarimu, bakanokotokela mu lubala gwe Moabu pa gwizi gwe Jorodani kulingisana ne Jerikho. 49Bakakotokela pa Jorodani kudwa mu Bhetijeshimoti bukule kunoti mu lubala gwe Moabu.
50Yahwe bakalebeleka na Mushe mu mabala e Moabu pa Jorodani kulingisana ne Jerikho beti, 51“Lebeleka ne bathu be Iziraela ubadwe uti, ‘Ha batjuluka Jorodani bangina mu shango ye Kanana, 52batate bagali be shango iyeyo bose badwe mu muli, kakale bakolomodze mabgwe abo wose abakanakisa nawo, mukolomodze zwifano zose zwakabumbiwa, mube muligila pasi magalo abo wose apezhugwi. 53Mube mutola shango kuti ibe yenyu, ngobe ndakamupa iyo kube thaka yenyu. 54#Mbalo 26:54-56Mowokoba shango ngokandila kuyenda nge misha yenyu, banjinji bapiwe kukulu, bashomanana bapiwe kutukunu. 55Koga amusatata bagali be shango iyeyo bakadwa pamuli, banowobe zwitoyi mu mesho enyu, ngono banomudziyidza pamwe ne pamwe pamugele. 56Ngono ndowomuthama sekwa ndakazwimisila kubathama.’ ”
Currently Selected:
Mbalo 33: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
