Nehemiya 3
3
Ku musiwa kwe makuma e Jerusalema
1Eliyashibi ntungamili we bapirisiti kamilika ne bamwe bapirisiti naye bakayenda bakanomusa nkoba unoyi we Pkhwizi. Bakaupa Ndzimu, bakathama mazhalilo awo, bakabaka beyendambeli kunoti ku Thungamakole ye bali zana (100) naiyo bakaipa Ndzimu bakadwilila kakale bakanoti ku Thungamakole ye Hananeli. 2Balume be Jerikho bakabaka ku bapa nabo, Zakhuri nkololo wa Imiri kabakabo kubapa nabo.
3Nkoba wakabe udang'wa we Hwobe wakabakwa ne bakololo ba Hasenaa. Bakatshila makwasayile bakalonga zwizhalilo ne zwiberaberi zwazo zwakathamiwa nge tshipi. 4Kubapa nabo kwakabe kuli Meremoti nkololo wa Uriya mwana we mwana wa Hakozi, iye kamusa ntha imwe, kubapa naye kwakabe kuli Meshulamu nkololo wa Bherekiya, Bherekiya ali nkololo wa Meshezabele na iye kamusa ntha imwe. Kubapa naye kwabe kuli Zadoki nkololo wa Bhaana na iye kamusa ntha imwe. 5Kudwa panli kwakamusiwa ne balume be Tekowa koga makulukota abo bakasilonge luboko mu nshingo wa She wabo.
6Nkoba we Jeshana#3:6 Nkoba we Jeshana: Kene “Nkoba wa Ntolo.” wakamusiwa ndi Joyada nkololo wa Phaseya na Meshulamu nkololo wa Bhesodeya. Bakatshila makwasayile bakalonga zwizhalilo ne zwiberaberi zwakathamiwa nge tshipi. 7Kubapa naye kumusiwa kwakathamwa ndi Melatiya we N'gibiyoni na Jadoni we N'meronoti, ne balume be Gibiyoni ne be Mizipha bakabe beshinga balipasi kwe nlauli we ntuthu we golombedzo le Yufuratesi. 8Kubapanabo kwakabe kumusa Uziele nkololo wa Harihaya, mmwe we bathuli be golide. Kubapa naye kwakabe kuna Hananiya mmwe we bakabe bethama zwithu zwinozhogwa zwinonuhwa zwinozipa naiye wakabe emusabo. Bakamusa Jerusalema kunoti ku guma linoyi Guma bhabi. 9Refaya nkololo wa Huri, nlauli we gwamu le ntuthu we Jerusalema wakamusa imwe ntha. 10Kubapa nabo kwakabe kumusa Jedaya nkololo wa Harumafa wakabe emusa pakalingisana nge ng'umba iye, kubapanaye kwakabe kumusa Hatushi nkololo wa Hashabineya. 11Malikija nkololo wa Harimu na Hashubu nkololo wa Pahatimoabu bakabe bemusa buntha gumwe ne Ngadzi we kunobhikigwa. 12Kubapanabo kwakabekuna Shalumu nkololo wa Haloheshi, nlauli we ntome kwe ntuthu we Jerusalema iye wakabe ana bakololokadzi babe.
13Hanuni ne bagali be Zanowa bakamusa Nkoba we Nkuku, bakaumusa bakaulonga zwizhalilo zwawo, bakamusa guma kunoti ku Nkoba we Tjizhalanlota.
14Malikija nkololo wa Rekhabo, nlauli we ntuthu we Bhetehakeremu wakamusa Nkoba we Tjizhalanlota bakatshila phanda bakalonga zwizhalilo ne zwiberaberi zwawo zwakathamiwa nge tshipi. 15Shalumu nkololo wa Kholihozeya nlauli we ntuthu we Mizipha ibo bakamusa Nkoba we Nsenya, kauthulila, kalonga nge zwizhalilo zwawo zwina zwiberaberi zwakathamiwa nge tshipi. Wakabuya kamusa guma le Dziba le Shela, lipa nnda wa mambo we milibo, kunoti kunodelukila kudwa mu nzi nkulu wa Dafite. 16Kudwa panli kwakabe kuna Nehemiya nkololo wa Azibhuku, nlauli we ntha imwe ye ntuthu we Bhetizuri, wakamusa kudwa pakulingisana nge zwikumbo zwabo Dafite kunoti kudziba lakazwithamigwa ne ng'umba dze babhayani. 17Kudwa panli kwakabe kuli Balevi naibo bemusabo: Rehumu nkololo wa Bhani kudwapo kuti Hashabiya, nlauli we buntha gwe ntuthu we Keila wakamusa pakabe pali kwe ntuthu uwe.
18Kudwa pabali kwakabe kuti Bhinuyi nkololo wa Henadadi, nlauli we gwamu le ntuthu we Keila. 19Kudwa panli kwakabe kuna Ezeri nkololo wa Jeshuwa, ali nlauli we Mizipha wakamusa kulingisana ne ng'umba ye zwibhayano kunoti ku ndzibo. 20Kudwa panli kwakabe kuna Bharuku nkololo wa Zabhayi emusa kudwa ku ndzibo kunoti ku nkoba we ng'umba ye ntungamili we bapirisiti Eliyashibi. 21Wakabe etobegwa ndi Meremoti nkololo wa Uriya, Uriya ali nkololo wa Hakozi (Kozi), wakabe emusa kudwa pa nkoba we ng'umba ya Eliyashibi kunoti kunopelela ng'umba ya Eliyashibi. 22Kudwa panli kwakabe kuna bapirisiti, balume bakabe bedwa mu mizi yakapoteleka ngono bakamusabo. 23Kudwa pabali kwakabe kuli Bhenjamini na Hashubu ibo bakamusa ku lingisana nge ng'umba yabo. Kudwapo kwakabe kuli Azariya nkololo wa Maaseya, Maaseya ali nkololo wa Ananiya wakamusa kubapa nge ng'umba iye. 24Kudwa panli kwakabe kuli Bhinuyi nkololo wa Henadadi emusa kudwapa ng'umba ya Azariya kunoti ku ndzibo. 25Palale nkololo wa Uzayi wakamusa kulingisana ne pa mashanganilo ne thungamakole inopubuka idwa mu ng'umba ya mambo tja pezhugwi kwe tjing'umbana tje nlingilili. Kudwa panli kwakabe kuli Pedaya nkololo wa Paroshi 26ne balanda be Ng'umba ye Ndzimu bakabe begala mu ntuthu wakatuthumala we Ofele bakamusa kunoti ku nkoba unoyi we Vula uku bhezhuba neku thungamakole. 27Kudwa pabali kwakabe kuna Tekowa emusa kulingisana ne thungamakole hwulu kunoti ku guma le Ofele.
28Pezhugwi kwe nkoba unoyi we Mbizi bapirisiti bakabe bemusa pakalingisana ne ng'umba dzabo. 29Kudwapabali kwakabe kuli Zadoki nkololo wa Imeri emusa kulingisana ne ng'umba iye. Kudwa panli kwakabe kumusa Shemaya nkololo wa Shekaniya, nlingilili we Nkoba we Bhezhuba. 30Kudwa panli kwakabe kumusa Hananiya nkololo wa Shelemiya na Hanuni, Hanuni ali nkololo we butathatu wa Zalafa. Kudwapabali kwakabe kumusa Meshulamu nkololo wa Bherekiya emusa kulingisana nge ng'umba iye.
31Kudwa panli kwabe kuna Malikija mmwe we bathuli be golide emusa edwapa ng'umba ye balanda be Ng'umba ye Ndzimu nepa ng'umba dze batengi kakale bali batengesi be zwija kulingisana nge Nkoba unoshogwa zwithu zwazha. 32Pakati kwe tjing'umbana tjiku ndzibo ne Nkoba we Pkhwizi kwakabaakanyiwa ne bathuli be golide ne batengi kakale batengesi.
Kalanga Bible © Bible Society of Botswana, 2008, 2018.