Nehemiya 10
10
1Bakabe bali mu hwalo dzakatshambisiwa bakabe bali bo: Nehemiya nlauli ali nkololo wa Hakaliya na Zedekiya na 2Seraya na Azariya na Jeremiya 3na Phashuri na Amariya na Malikija na 4Hatushi na Shebaniya na Maluki na 5Harimu na Meremoti na Obhadiya na 6Daniyele na Ginethoni na Baruku 7na Meshulamu na Abija na Mijamini na 8Maziya na Bhiligayi na Shemaya. Bose ibaba bakabe bali bapirisiti. 9Balevi ibo bakabe bali bo: Jeshuwa nkololo wa Azaniya na Bhinuyi we nsha wa Henadadi Kadimiyele. 10Zwikamu zwabo bakabe bali bo: Shebaniya na Hodiya Kelita na Pelaya na Hanani na 11Mika na Rehobo na Hashabiya na 12Zakhuri na Sherebiya na Shebaniya na 13Hodiya na Bhani na Bheninu. 14Batungamili be bathu bakabe bali bo: Paroshi na Pahatimoabu na Elamu na Zatu na Bhani na 15Bhuni na Azagadi na Bhebayi na 16Adonija na Bhigivayi na Adini na 17Atere na Hezekiya na Azuri na 18Hodiya na Hashumu na Bhezayi na 19Harifi na Anatoti na Nebayi na 20Magipiashi na Meshulamu na Heziri na 21Meshezabele na Zadoki na Jaduwa na 22Pelatiya na Hanani na Anaya na 23Hosheya na Hananiya na Hashubu na 24Haloheshi na Piliha na Shobeki na 25Rehumu na Hashabuna na Maseya na 26Ahija na Hanani na Anani na 27Maluki na Harimu na Bhaana.
Tjidumano
28Bathu be Iziraela ne bapirisiti ne Balevi ne balisi be mikoba ne bambi ne bashingili be Ng'umba ye Ndzimu na ibabo bose bakazwithubukanya ne bataya nge kutja nlayo we Ndzimu, kose ne bakadzi babo kose ne bakololo ne bakololokadzi bose bana luzibo ne hwisiso, 29bakashangana ne zwikamu zwabo ne batungamili mu kutuna bezwisunga ngeku zwilonga mu bhiso betuna kuti banowotobela nlayo we Ndzimu, iwo wakabewapiwa ndi Mushe nlanda we Ndzimu, kakale kuti banowolondolodza, bakashingikadza milayo yose ya Yahwe she wedu. 30#Kufuluka 34:16; Matama 7:3“Togadzabgwe kuti atitjowolobodza bakololokadzi bedu ku bathu be njudzi dzipoga kene kubalobolela.”
31 #
Kufuluka 23:10, 11; Zwipo 25:1-7;
Matama 15:1, 2 Ha bathu be njudzi dzipoga bezhisa thundu kene mathunde betengesa nge zhuba le Ndzimu lawakashala kaliyengemadza le Sabata tisitongo zwitenga mu zhuba ileli kene mu limwe koga lakayengemala. Ne minda atitjoilima mu gole limwe ne limwe le kutendeka kakale towosutha zwikoloto zose. 32#Kufuluka 30:11-16Tozwimisila kuti titjowotangisa kakale nlayo we kudusila Ng'umba ye Ndzimu wedu tjipo tje siliva gole ne gole.
33Towodusila Ng'umba ye Ndzimu zwinotobela: Tjiunga tjakayengemala, tjipo tje mathunde ne zwinopisiwa, zwibhayilo zwinopisiwa zwa bo Sabata ne zwibhayilo zwakale zwe Nzano zwe Mwedzi ugala ne mimwe mizano yakabigwa, zwibhayilo zwakayengemala ne zwibhayilo zwe jinyo kugadzanya Iziraela, na zose zwe nshingo we Ng'umba ye Ndzimu.
34Takakandila kubona kuti mu bapirisiti ne Balevi ne mu bathu koga ndiani unowozhisa hwuni lini gole ne gole ku Ng'umba ye Ndzimu wedu, kuti kupisiwe zwibhayilo mu tjibeso tjinopisigwa zwibhayilo tja Yahwe, Ndzimu wedu sekwa kwakabe kuli iko mu nlayo.
35 #
Kufuluka 23:19; 34:26; Matama 26:2 Tozwimisila kuzhisa zwitshwa zwe zhizha ne zwe mitjelo ye miti gole ne gole ku Ng'umba ya Yahwe.
36 #
Kufuluka 13:2
Sekwa kwakakwagwa mu nlayo, towozhisa bakololo bedu be mbano ne ng'ombe ne mbudzi ne pkhwizi dzakazwagwa kutanga ku bapirisiti banoshinga mu Ng'umba ye Ndzimu wedu.
37 #
Mbalo 18:21
Pezhugwi kwa ikoku towozhisa ku bapirisiti mu Ng'umba ye Ndzimu bgwisa gwe tjiunga gwe kutanga ne zwipo zwe mathunde ne zwe mitjelo yedu yose ne nkumbi we zhambi mptshwa ne mafuta. Towozhisa ku Balevi tje bugumi tje zwidzwalo ngobe ndibo banoyenda betola zwebugumi mu mizi yose kwatinoshinga. 38#Mbalo 18:26Mpirisiti we nsha wa Aroni wakafanila peleka Balevi abewoamutjila zwebugumi, Balevi bakafanilazhisa tjebugumi muna zwebugumi ku Ng'umba ye Ndzimu mu matula. 39Bathu be Iziraela bakashangana ne Balevi bakafanila zhisa zwipo zwe mathunde ne nkumbi ne mafuta ku matula iko kwakabigwa zwija zwe bugalo gwakayengemala, iko kuna bapirisiti ne balingi be mikoba ne bambi. Togadzabgwe kuti atitowoletjedzela Ng'umba ye Ndzimu wedu.
Kalanga Bible © Bible Society of Botswana, 2008, 2018.