Zwipo 18
18
Kuwalilana kusingadumigwe
1Yahwe bakadwa Mushe bakati, 2“Idwa bathu be Iziraela uti, ‘Ndimi Yahwe Ndzimu wenyu. 3Musitongothama sekwa banothama mu shango ye Egipiti, ikweno kwamakabe muligele, kakale musitongothama sekwa banothama mu shango ye Kanana, ikweno kwandinomuyisako. Musitongotobela milayo yabo. 4Mulondolodze milayo yangu, muitobele, ndimi Yahwe Ndzimu wenyu. 5#Nehemiya 9:29; Ezekiele 18:9; 20:11-13; Luke 10:28; Baroma 10:5; Bagalatiya 3:12Ndizo mulondolodze milayo yangu ne ndaulo dzangu, kuti mutjile, ndimi Yahwe.
6“ ‘Kusitongowanika mmwe wenyu ungashaka gamu lile kuwalilana nalo. Ndimi Yahwe. 7Usitongolengudza tate babo ngowalilana na mme yabo, mme yabo ndi mme yabo, usitongowalilana nabo. 8#Zwipo 20:11; Matama 22:30; 27:20Usitongolengudza tate babo ngowalilana ne nkadzi wa tate babo ngoti mbili uwe nge wa tate babo. 9#Zwipo 20:17; Matama 27:22Usitongowalilana ne hazwadzi iyo, ungabe ali nkololokadzi wa tate babo na mme yabo, kene wa tate babo wakazwagwa mu nzi kene wakazwagwa kuzhe. 10Auzofanila shanganyila ngubo ne mwana we mwana uwo, unobe uzwilengudza. 11Usitongowalilana ne hazwadzi iyo muli bana be nlume, i hazwadzi iyo. 12#Zwipo 20:19, 20Usitongowalilana na maahadzi babo, ngobe i hazwadzi ya tate babo. 13Usitongowalilana na mannini babo, ngobe nnung'una wa mme yabo. 14Usitongowalilana ne nkadzi wa batatenini babo, ngobe ndi mannini babo. 15#Zwipo 20:12Usitongowalilana ne nkadzi we nkololo uwo, ngobe nlongo uwo. 16#Zwipo 20:21Usitongowalilana ne nkadzi we nkulu uwo, ngoti mbili we nkulu uwo. 17#Zwipo 20:14; Matama 27:23Usitongowalilana ne nkadzi nenge nkololokadzi uwe, kene ne nkololokadzi we nkololo uwe kene we nkololokadzi uwe, ngoti abe makamu awo ngoti bubi. 18Usitongolobola nkadzana uwo nkadzi uwo atjatjila unowobagwisanya.
19 #
Zwipo 20:18
“ ‘Usitongowalilana ne nkadzi ali mu mazhuba awe, ngobe akatemapala. 20#Zwipo 20:10Usitongowalilana ne nkadzi we ikamu tjitjo, ngobe unowobe uzwitemapadza. 21#Zwipo 20:1-5Usitongodusila mmwe we bana babo kupisiwa etjila ali tjibhayilo kuna Moleki, ndzimu we Baamoni, ngoti mowobe mulengudza zina le Ndzimu wenyu. Ndimi Yahwe. 22#Zwipo 20:13Usitongolala ne nlume unthama nkadzi, kuthu kunoshimisa. 23#Kufuluka 22:19; Zwipo 20:15, 16; Matama 27:21Kusibe ne nlume kene nkadzi unolala ne phuka, mbipo yakajalo inotemapadza.
24“ ‘Musitongozwitemapadza ne tjimwe tje zwithu izwezwi, ngobe tjaba dzose dzandakatata mbeli kwenyu dzozwitemapadza nge zwithu izwezwi, 25ne shango ikatemapala, ndizo ailoba shamu ngekwe tjibi tjayo ngono ikathwila kuzhe bathu bagele muili. 26Koga imwi mulondolodze milayo ne ndaulo dzangu, musitongothama tjimwe tje zwithu izwezwi zwinoshimisa nenguba ali ntebe kene ntaya wakawolubila pakati kwenyu. 27Ngobe bathu be shango bakabe bali mbeli kwenyu, bakathama zwithu zose izwezwi zwinoshimisa, ndizo shango ikatemapala. 28Shango inomuthwila kuzhe, ha mungaitemapadza, sekwayakathwila kuzhe tjaba dzakabe dzili mbeli kwenyu. 29Ngobe iye unowothama tjimwe tje zwithu izwezwi zwinoshimisa, nthu iwoyo wazwithama unowothubugwa mu bathu bakanyi kwabo.
30“ ‘Ndizo mulondolodze ndaulo yangu, kuti musithame tjimwe tje mipanga iyeyi inoshimisa, yakabe ithamiwa mbeli kwenyu, kakale musitongo zwitemapadza ndiyo, ndimi Yahwe Ndzimu wenyu.’ ”
Currently Selected:
Zwipo 18: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
