Jobe 5
5
1“Tjitongo dana ngwenu, apa kuna unowokudabila kene?
Apa ndiupi we bayengemali waunowoshandukila kunli kene?
2Shungu dzobulaya tjilengwe!
Fupa lobulaya nlelulelu.
3Imi ndakabona tjilen'gwe tjiwatshika nge midzi,
koga tjinyolotjo alonga bhiso mu nsha watjo.
4Bana batjo abazobakililika,
bano tshambilidziwa ku lubazhe akuna unobalebelekela.
5Banofa nge zhala banozwitolegwa tjaakavuna,
bakatola nenge mathunde awe akamela pakati kwe mihwa,
bana njemulo dzinopisa banoyemula thundu dzidze.
6Ngoti zogwadza azwitodwa mu hwuluba,
mang'oni aatomela mu mavu.
7Koga nthu iye unozwaligwa mang'oni,
anonga sasi dze moto dzinowuluka.
8“Koga imi, ndingabe ndishaka bhatsho ku Ndzimu,
ndabe ndowobikila Ndzimu ndebo yangu,
9iwo unothama zwithu zwinotjenamisa kakale zwisingahwisisike,
iwo unothama matjenamiso manjinji asina mbalo.
10Iwo unonisa vula mu shango,
iwo unodilidzila shango.
11Unomilidzila pezhugwi bapasi,
ibabo banolila unobamilidzila kuna mbakililo.
12 #
1 Bakorinta 3:19
Iwo unodzinganyidza butjakwani gwe batjenjedu,
kuti ndizo kushete tjabanothama tjinotubuka.
13Unobhatila batjenjedu mu butjakwani gwabo,
njanga dze bupitipiti dzozha ku bhelelo tjinyolotjo.
14Zhalima lobawila kuli masikati,
bakazwiwana beambaamba masikati se mu lima.
15Unodzutunula nshayi mu thumo linodwa mu milomo yabo,
unobadzutunula mu maboko ebana masimba.#5:15 Unodzutunula…masimba: Tjihebheru atjitohwisisika.
16Kuti ndizo bashayi bawane kugalabgwe,
nekuti anyaladze banobashayila ndulamo.
17 #
Makungulupeswa 3:11, 12; Bahebheru 12:5, 6 “Bona, wakakombolegwa nthu unotjemegwa nge Ndzimu!
Ndizo usilingile pasi kutjemegwa ndi Masimbawose.
18 #
Hoseya 6:1
Ngobe unobanga banga, ngono ukalisunga,
unoloba ngono maboko awo kapodza!
19Unowokudzutunula mu mang'oni ali tathatu,
ngono gwe butendeka akuna mbipo inowoku kutha.
20Mu nsi we bhamba unowokudzutunula mu lufu,
mu nsi we ngwa unowokudzutunula mu simba le thumo.
21Unowokubakilila mu matama anopitsha,
ngono autowotja ha golomodzo lizha.
22Unowoti ubona bhamba ne golomodzo ukamwemwetela,
ngono autotja zwibandana zwe shango.
23Ngoti paunowolima kowobe kuli pa buyanana,
zwibandana zwe shango zowobe zwakabakidzana nawe.
24Unowoziba kuti nshasha uwo wakabakililika,
unowoti ulinga zwithuwo zwizo ukawana zwilipo zose.
25Unowoziba kuti bana babo bawanda,
zwizekugwana zwizo zowobe zwinji
zwikanga bushwa gwakaambadza shango.
26Unowongina mu ikumbu wakula,
se mathunde abidwa atjilulwamila vung'wa.
27Bona, woku takakushakisisa, i lebeswa,
bhulutana ngobe kwakululwamila.”
Kalanga Bible © Bible Society of Botswana, 2008, 2018.