Basumikilisi 13
13
Kuzwagwa kwa Samisoni
1Ngono bathu be Iziraela bakathama mbipo kakale mu mesho a Yahwe, ngono Yahwe bakabalonga mu maboko e Bafilisitiya kwe makole ali makumi manna (40). 2Kwakabe kuna nlume we Zora edang'wa Manowa, we ludzi gwa Dani, wakabe ana nkadzi usina mbeleko, asina mwana. 3Ntumwa wa Yahwe kazwilakidza kunli ukandwa kati, “Bona, u balumbila auna mwana, koga unowozwisenga uka wana mwana we tjilisana. 4Ngono uyele njele kuti autong'wa nkumbi we zhambi kene busukwa kene kuli kuja tjimwe tjisitjibuyanana, 5#Mbalo 6:1-5ngoti unowozwisenga uka wana mwana we tjilisana. Kusheteke reza inowoshingisiwa mu nsholo uwe, ngobe mbisana unowobe Nnaziri, unowopiwa Ndzimu mu kuzwagwa kukwe, ngono unowotangisa ku sunungula Baiziraela mu maboko e Bafilisitiya.” 6Nkadzi kayenda kanobudza nlume uwe eti, “Nlume we Ndzimu wazha kundili. Wabe elingika se ntumwa we Ndzimu, etjenamisa. Andizombhuzwa kwaanodwa, ngono naiye aazondibudza zina lile. 7Koga wandidwa eti, ‘Unowozwisenga ukawana mwana we tjilisana. Ngono ngwenu, using'we nkumbi we zhambi kene busukwa, usije tjimwe tjisitjibuyanana, ngobe mbisana unowopiwa Ndzimu kudwa mukuzwagwa kunoti zhuba le lufu gugwe.’ ”
8Ngono Manowa katembezela kuna Yahwe kati, “Imwi Yahwe, ndokumbila kuti ntumwa we Ndzimu wamatumila kutili azhe kakale kutili ngono atidiye kuti tilele tjini mbisana unowozwagwa.” 9Ndzimu bakahwa hwi la Manowa, ngono ntumwa we Ndzimu kazha kakale ku nkadzi ali ku minda koga nlume uwe Manowa wakabe asinaye. 10Nkadzi kalibilidza kanobudza nlume uwe eti, “Bona, nlume wakazha kundili zhuba elilije wazwilakidza kundili.”
11Manowa kamilika kasala nkadzi uwe shule. Wakati eswika pa nlume, kabhuzwa kati, “Apa ndiwe nlume wakalebeleka ne nkadzi wangu kene?” Kadabila eti, “Ndimi.”
12Ndizo Manowa kati, “Apa matama awo ashingikadziwa, mbisana wakafanila tjila tjini, ashingeni?” 13Ngono ntumwa wa Yahwe akadwa Manowa eti, “Nkadzi ngaabe ne njele muna zose zwandakambudza. 14Asije tjimwe tjinodwa mu zhambi, kene kuli kung'wa nkumbi we zhambi kene busukwa kene kuja tjimwe tjisitjibuyanana, zose zwandambudza azwithame.”
15Manowa kadwa ntumwa wa Yahwe kati, “Tokumbila ugale, tikululwamisile tjibudzana.”
16Ntumwa wa Yahwe kashandula eti, “Kene ukandinonosa, anditowoja zojiwa zwizo, koga apa ululwamisa tjibhayilo, utjithamile Yahwe.” Ngobe Manowa wakabe asinga zibe kuti ntumwa wa Yahwe. 17Manowa kabhuzwa ntumwa wa Yahwe eti, “Zina lilo ndiyani, kuti ndizo apa matama awo angashingikala tikukudze?” 18Ntumwa wa Yahwe kashandula eti, “Ini ubhuzwa zina langu kana ndelinotjenamisa.” 19Ipapo Manowa katola tjibudzana kose ne tjipo tje mathunde, kadusila Yahwe tjibhayilo pezhugwi kwe shongwe. Ngono Yahwe bakathama tjinotjenamisa Manowa ne nkadzi uwe bakalingilila 20sekwa nthuto wakayenda pezhugwi kudzimu udwa mu tjibeso tjinopisigwa zwibhayilo, ntumwa wa Yahwe katathila ali mu nthuto. Manowa ne nkadzi uwe bakati bebona ikoku bakawila pasi nge njiso.
21Ntumwa wa Yahwe ukasitjaboneke muna Manowa ne nkadzi uwe. Ndizo Manowa kaziba kuti kwabekuli ntumwa wa Yahwe. 22Ngono Manowa kadwa nkadzi uwe kati, “Ngemalebeswa towofa, ngoti tabona Ndzimu.” 23Koga nkadzi uwe kandwa eti, “Apa Yahwe babeshaka kuti bulaya, banobebasa amutjila tjibhayilo tjinopisiwa ne tjipo tje mathunde kudwa mu maboko edu, kene kuli kutilakidza zwithu zose izwezwi kene kutibudza zwakajali.” 24Ngono nkadzi kawana mbisana, kandana Samisoni, mbisana kakula ngono Yahwe bakankombolela. 25Ngono Meya ya Yahwe ikatangisa shinga naye ali mu Mahanehidani pakati kwe Zora ne Eshitaole.
Currently Selected:
Basumikilisi 13: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
