Isaya 12
12
Lumbo gunokudza
1Mu zhuba ilelo unowoti,
“Ndowomukudza Yahwe,
nenguba makabe mandigwadzila moyo,
kugwadzamoyo kwenyu kwakapela,
ndizo mandinyaladza.
2 #
Kufuluka 15:2; Njimbo 118:14 “Bonani, Ndzimu ujidzo langu,
ndowogalabgwe asitongotja,
ngoti Yahwe Ndzimu ba simba langu ne lumbo gwangu,
babe jidzo langu.”
3Unowotjela vula nge kushatha mu matshime e jidzo.
4Ngono mu zhuba ilelo mowoti,
“Kudzani Yahwe,
danani zina labo,
zibisani mishingo yabo zwitjaba,
ngono mulebe kuti zina labo lakakudzika.
5Mbilani Yahwe njimbo dzinobakudza,
ngoti bakashinga zwinolumbidzika.
Ikoku ngakuzibisiwe shango yose.
6Milidzani mahwi nge kushatha,
imwi bagali be Ziyoni,
ngoti pakati kwenyu kuna nkulu Wakayengemala we Iziraela.”
Kalanga Bible © Bible Society of Botswana, 2008, 2018.