Popular Bible Verses from Isaya 12

“Bonani, Ndzimu ujidzo langu, ndowogalabgwe asitongotja, ngoti Yahwe Ndzimu ba simba langu ne lumbo gwangu, babe jidzo langu.”

Unowotjela vula nge kushatha mu matshime e jidzo.

Mbilani Yahwe njimbo dzinobakudza, ngoti bakashinga zwinolumbidzika. Ikoku ngakuzibisiwe shango yose.

Ngono mu zhuba ilelo mowoti, “Kudzani Yahwe, danani zina labo, zibisani mishingo yabo zwitjaba, ngono mulebe kuti zina labo lakakudzika.

Mu zhuba ilelo unowoti, “Ndowomukudza Yahwe, nenguba makabe mandigwadzila moyo, kugwadzamoyo kwenyu kwakapela, ndizo mandinyaladza.

Milidzani mahwi nge kushatha, imwi bagali be Ziyoni, ngoti pakati kwenyu kuna nkulu Wakayengemala we Iziraela.”