Hoseya 1
1
1 #
2 Bomambo 15:1-7; 2 Zwiyitikalo 26:1-23;
2 Bomambo 15:32-38; 2 Zwiyitikalo 27:1-8;
2 Bomambo 16:1-20; 2 Zwiyitikalo 28:1-27;
2 Bomambo 18:1—20:21; 2 Zwiyitikalo 29:1—32:33;
2 Bomambo 14:23-29
Dama la Yahwe lakazha kuna Hoseya nkololo wa Bheeri mu misi ye kubusa kwa Uziya nekwa Jothamu nekwa Ahazi nekwa Hezekiya bomambo be Juda ne mumisi ye kubusa kwa Jeroboamu nkololo wa Joashi mambo we Iziraela.
Nkadzi wa Hoseya ne bana babe
2Yahwe bakati betangisa kulebeleka ndi Hoseya, bakati kuna Hoseya, “Yenda ulobole nkadzi we fukula ube ne bana be bufukula ngoti shango izhele bupombgwe bukulu nge kusiya Yahwe.” 3Ndizo kayenda kanolobola Gomeri nkololokadzi wa Dibulamu ngono kazwisenga katshibama mwana we tjilisana.
4 #
2 Bomambo 10:11
Ngono Yahwe bakadwa Hoseya bakati, “Un'dane zina uti Jezirele#1:4 Jezirele: Zina ileli lodwa “Ndzimu unodzwala.” ngoti ndowoloba shamu ng'umba ya Jehu tjinyolotjo ndinlobela kubulaya kwaakathama ku Jezirele ngono ndowopedzisa bushe gwe Iziraela. 5Mu zhuba ilelo ndowovuna dati le Iziraela mu nkuku wa Jezirele.”
6Kazwisenga kakale ngono kawana nkololokadzi. Ipapo Yahwe bakati kuna Hoseya, “Umpe zina uti Loruhama#1:6 Loruhama: Zina ileli lodwa “kusabawila ngoni.” ngoti anditjawohwila ngoni Baiziraela kene kuli kubazwiibhatigwa. 7Koga ndowohwila ngoni mbuso we Juda abatjidza imi, anditowobatjidza nge dati kene nge thumo kene nge ngwa kene nge mbizi kene nge bataswi be mbizi, koga ngekwa Yahwe Ndzimu wabo.”
8Gomeri wakati athwisa Loruhama zhamu, Gomeri kazwisenga kawana mwana we tjilisana. 9Ngono Yahwe bakati, “Untumile uti Loammi#1:9 Loammi: Zina ileli lodwa “amute muli bathu bangu.” ngoti imwi amutemuli bathu bangu nami anditeli Ndzimu wenyu.”
Baiziraela banobgwilizwa mu tjimo
10 #
Baroma 9:26
“Koga Baiziraela banowowanda kulizana ne nsetje we gungwa usingake ukalizanyidziwa kene ukabagwa. Ngono mu magalo abakadwiwa kukayi ‘Imwi amute muli bathu bangu,’ banowodang'wa, ‘Bakololo be Ndzimu unotjila.’ ” 11Bathu be Juda ne bathu be Iziraela banowoshanganyiwa, ngono bakazwishalulila ntungamili ng'ompela. Ngono banowowanda mu shango ngoti zhuba la Jezirele lowobe gulu.
Kalanga Bible © Bible Society of Botswana, 2008, 2018.