Ezekiele 1
1
MBONO YE KUTANGA YA EZEKIELE YE NDZIMU
(1:1—7:27)
Zwitjili ne gudzo le Ndzimu
1 #
Zumbunulo 19:11
Mu gole le bumakumi matatu, mu mwedzi we bunna, mu zhuba le bushanu le mwedzi ndili pakati kwe batapiwa pa gwizi gwe Kheba, kudzimu kwakazhuka ngono abona mbono dzinodwa ku Ndzimu. 2#2 Bomambo 24:10-16; 2 Zwiyitikalo 36:9, 10Mu zhuba le bushanu le mwedzi kwakabe kuli gole le bushanu la Mambo Jehoyakini ali mu butapiwa, 3dama la Yahwe lakazha ku mpirisiti Ezekiele nkololo wa Bhuzi, mu shango ye Khaladiya pa gwizi gwe Kheba. Simba la Yahwe lakabe linaye.
4Ndakalinga bonani, abona dutu lidwa ku bunandzwa, abona gole gulugulu lina tjedza kulipoteleka ne lupenyo gwe moto gudwa mulili ngono pakati kwe moto kuna tjinolingika se bgwe linoyi tjibilo tjinothuta. 5#Zumbunulo 4:6Pakati kwawo kwakabe kuna tjinolingika se zwibumbiwa zwinna zwinotjila. Ngono mbumbiko yazo ilingika seye nthu, 6koga tjimwe ne tjimwe tjazo tjina njiso dzili nna ne mapapilo ali manna. 7Makumbo azo akatambunuka, matshambo azo enga thozo dze phulu epenya se phangula ya kuyungiwa. 8Kusi kwe mapapilo mu mbizho nna dzazo zwakabe zwina maboko e nthu. Ngono zose bunna zwakabe zwina njiso ne mapapilo. 9Mapapilo azo akabe ekuthana. Tjimwe ne tjimwe tjazo tjiyenda mbeli tjakatambunuka ha zwiyenda tjisingabuyile ntome. 10#Ezekiele 10:14; Zumbunulo 4:7Njiso dzazo dzakabe dzilingika sahwoku, Tjimwe ne tjimwe tje zwibumbiwa izwezwi zwinna tjakabe tjina buso gwe nthu, ku lubizho gwe luji tjina buso gwe shumba, ku lumeshwe tjina buso gwe ng'ombe, shule tjina buso gwe dzu. 11Njiso dzazo dzakabe dzakajalo. Mapapilo azo akabe akatambunukila pezhugwi, tjimwe ne tjimwe tjina mapapilo mabili, bhapilo limwe ne limwe likutha le tjimwe tjibumbiwa ngono mapapilo mamwe mabili akazwimba mbili watjo. 12Tjibumbiwa tjimwe ne tjimwe tjakabe tjiyenda tjakatambunukila mbeli. Kumwe ne kumwe meya kwayakabe iyenda, zwakabe zwiyendako zwisingatendebuke ha zwiyenda. 13#Zumbunulo 4:5Pakati kwe zwibumbiwa izwezwi zwinotjila kwakabe kuna tjinolingika se masimbe e moto anothuta kene se mavone e yenda yeno na yeno, moto wakabe upenya lupenyo gwe vula gudwa muuli. 14Zwibumbiwa izwezwi zwinotjila zwakabe zwilabukila mbeli na shule se lupenyo gwe vula.
15 #
Ezekiele 10:9-13
Ndakati ndilinga zwibumbiwa izwezwi zwinotjila abona gumbgwana pasi pawunde ye tjibumbiwa tjimwe ne tjimwe tjinotjila, tjimwe ne tjimwe tjazo tjina njiso dzili nna. 16Ndingiko ne mbumbiko ye makumbgwana yakabe ilingika sahwoku, akabe epenya se dayimani, efanana nge mbumbiko, kuthamiwa kwawo kulingika se gumbgwana lili mu limwe gumbgwana. 17Zwakabe zwiti ha zwiyenda zwiyendila ku lubizho gumwe ne gumwe kwakalinga njiso dzazo zwisingabuyile ntome. 18#Zumbunulo 4:8Matantane azo akabe akakulila pezhugwi etjenamisa, matantane wose bunna akabe alizhele mesho pamwe ne pamwe pawo. 19Zwibumbiwa zwinotjila zwakabe zwiti ha zwiyenda, makumbgwana eyendabo akazwibapisa, ha zwibumbiwa zwimilika kudwa mu shango makumbgwana anomilikabo. 20Kumwe ne kumwe meya kwayakabe iyenda, zwakabe zwiyendabo, ngono makumbgwana akabe emilika nazo ngoti meya ye zwibumbiwa zwinotjila yakabe ili mu makumbgwana. 21Zwibumbiwa zwakabe zwiti ha zwingayenda, makumbgwana eyendabo, ha zwingama, naiwo emabo, ha zwibumbiwa zwingamilika kudwa mu shango, naiwo emilikabo nazo, ngoti meya ye zwibumbiwa ili mu makumbgwana.
22 #
Zumbunulo 4:6
Pezhugwi kwe misholo ye zwibumbiwa zwinotjila kwakabe kuna tjinolingika se denga linopenya se makaa e vula lakaangila pezhugwi kwe misholo. 23Ipapo kusi kwe denga mapapilo azo akabe akatambunudziwa e tjimwe ne tjimwe akalingisana ne e tjimwe, ngono tjimwe ne tjimwe tje zwibumbiwa tjina mamwe mapapilo mabili atjakazwimba mbili watjo ndiwo. 24#Zumbunulo 1:4-15; 19:6Ndakahwa nsindo we mapapilo azo ha zwiyenda, unga nsindo we vula njinji, unga nsindo wa Masimba Wose, kufanana ne phipiti ye ngwa. Ha zwima zoliga mapapilo azo. 25Ngono kukazha hwi lidwa pezhugwi kwe denga lipezhugwi kwe misholo yazo, izo zwama zwaliga mapapilo azo.
26 #
Ezekiele 10:1; Zumbunulo 4:2, 3 Pezhugwi kwe denga pezhugwi kwe misholo yazo kwakabe kuna tjinolingika se tjigalo tje bushe, tjilingika se bgwe linoyi safire, pezhugwi kwe tjigalo kuligele tjinolingika se nthu. 27#Ezekiele 8:2Kutangisa pakabe pelingika se thunji dzidze kuyenda pezhugwi kwakabe kupenya se tjibilo, kunga moto kupoteleka, ngono kudwa ipapo kuyenda pasi kulingika se moto, tjedza tjinopenya tjakampoteleka. 28Lupenyo gwakampoteleka gunga nlalabungu mu gole mu zhuba le vula ina. Bubuya kumpoteleka gwakabe gulingika saikoku. Iyeyi ndiyo ndingiko inofanana nge tjedza tja Yahwe.
Ndzimu unodana Ezekiele kube nlebesambeli
Ndakati ndiyibona awila pasi nge buso ngono ahwa hwi le mmwe elebeleka.
Kalanga Bible © Bible Society of Botswana, 2008, 2018.