Matama 15
15
Gole le butendeka
(Zwipo 25:1-7)
1“Kubupelo gwe makole mamwe ne mamwe ali kutendeka musunungule banomukolota. 2Zila ye kusunungula ikoku ndieyi, unowosunungula tjimwe ne tjimwe tjaakaadzima mbakidzani uwe, asibile mbakidzani uwe, mwana wa tate babe ngoti kusunungula kwa Yahwe kwalebgwa. 3Ungabila ntaya koga tjimwe tjitjo kene tjilini tjiku mwana wa tate babo utjisunungule. 4Koga akutowobe ne nshayi pakati kwenyu ngoti Yahwe banowomukombolela mu shango Yahwe Ndzimu wenyu yabanomupa kube thaka yenyu, 5ha ungahwa hwi la Yahwe Ndzimu uwo ukabe ne njele kulondolodza milayo yose yandinomupa mu zhuba lino. 6Kana Yahwe Ndzimu uwo banowokukombolela sekwa bakakugadzabgwe ngono uwoadzima njudzi njinji koga iwe autowoadzima kakale unowobusa njudzi njinji koga idzo adzitowokubusa.
7 #
Zwipo 25:35
“Ha kuli kuti kuna nshayi pakati kwenyu, mmwe we bana ba tate benyu mu mmwe we mizi yenyu mu shango yenyu yamunopiwa ndi Yahwe Ndzimu wenyu usitongokukutadza moyo uwo kene ukanyima mwana wa tate babo unosheta, 8koga unzhulile tjiazha ube un'adzima tjakalizana kusheta kukwe kusingati tjimwe kuti ini. 9Uyele njele kuti kusitongobe ne nkumbulo mbiimbi mu moyo uwo ngono ube uti ‘Gole le butendeka, gole le kusunungula labe pejo,’ ube ube ne nkumbulo wakabipa ku mwana wa tate babo unosheta, ngono ube usingampe tjimwe, ngono ebe elilila kuna Yahwe nge kuko ngono kube kube tjibi kukuli. 10Umpe wakusununguka kusi nge meya dzakabhaya mbadu ngoti ngekwa ikoku Yahwe Ndzimu uwo banowokukombolela mu nshingo uwo wose ne mu tjimwe ne tjimwe tjaunothama. 11#Matewu 26:11; Mako 14:7; Johani 12:8Bashayi banowogala balipo tjibaka tjose mu shango, ndizo wali ndokulaya nditi uzhulile mwana wa tate babo tjiazha tjitjo, kuna unosheta kene nshayi mu shango.
Balanda babhakhwe tjini
(Kufuluka 21:1-11)
12 #
Zwipo 25:39-46
“Ha mwana wa tate babo, N'hebheru we tjilume kene N'hebheru we tjikadzi angatengesiwa kukuli, akushingile makole ali kutathatu, mu gole le butendeka unletje ayende akasununguka. 13Ngono uti unletja eyenda akasununguka usinletje eyenda asina tja akabhata. 14Umpe kuli kunjinji kudwa mu ngubi iyo ne kunodwa paunoshokolela ne paunoswinila nkumbi we zhambi kuyendidzana ne sekwa Yahwe bakakukombolela. 15Ukumbule kuti wakabe uli nlanda mu shango ye Egipiti ngono Yahwe Ndzimu uwo bakakudzutunula, ndizo ndokulaya nasi. 16Koga ha angati kukuli, ‘Imi anditoyenda,’ ngoti ekuda kakale eda nsha uwo ngoti etjila nawe zwakanaka, 17ipapo utole lunji upubule zebe iye pa nkoba ngono unowobe nlanda uwo kusingapele. Ku nlanda uwo we tjikadzi uthamebo kunufanana. 18Ngakusikulemele ha unletja eyenda ngoti wakakushingila makole ali kutathatu kunolizana tjibaka tje nshingi wakatapiwa kabili. Ndizo Yahwe Ndzimu uwo banowokukombolela mu tjimwe ne tjimwe tjaunoshinga.
19 #
Kufuluka 13:12
“ ‘Mbano dzose ndume dzazwagwa nge ng'ombe dzidzo ne pkhwizi ne mbudzi dzidzo udziyengemadzile Yahwe Ndzimu uwo, usitongo shingisa tjimwe mbano dze ng'ombe dzidzo kene kuli kukera mbano dze pkhwizi dzidzo kene mbudzi dzidzo. 20Uzwijile mbeli kwa Yahwe, iwe ne nsha uwo gole ne gole pa bugalo Yahwe gwabanowo shalula. 21Koga ha zwina zwifo, ha zwili zwilema kene mapofu, kene tjifo tjimwe koga tjikulukulu usitongo bhayila Yahwe Ndzimu uwo. 22Muzwijile mu mizi yenyu, usimbuyanana ne mbuyanana kofanana ungaja kufanana koga sekungabe kuli phala kene phembgwe. 23#Kutangisa 9:4; Zwipo 7:26, 27; 17:10-14; 19:26; Matama 12:16, 23Koga musitongo ja malopa adzo muatebulile pasi se vula.’ ”
Currently Selected:
Matama 15: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
