Matama 14
14
Zila isakalulwama ye kulilila bafi
1 #
Zwipo 19:28; 21:5 “Imwi mu bakololo ba Yahwe Ndzimu wenyu, musitongo zwitjeka kene mukazwiteselela nsholo bafi. 2#Kufuluka 19:5, 6; Matama 4:20; 7:6; 26:18; Tito 2:14; 1 Pita 2:9Ngoti mu bathu bakayengemala kuna Yahwe Ndzimu wenyu, Yahwe bakamushalula kube bathu bawo mu bathu bamwe bose bamu shango.”
Phuka mbuyanana ne dzisimbuyanana
(Zwipo 11:1-47)
3“Musitongo ja tjimwe tjinoshimisa. 4Phuka dzamakafanila ja ndiyedzi: ng'ombe ne pkhwizi, mbudzi 5ne phembgwe ne phala ne ngama ne zilawa ne phofu ne phalapala ne ngululu. 6Phuka imwe ne imwe inopalalanya thozo ina thozo ina mbabi mbili kakale izewula pakati kwe phuka dzimwe mungaija. 7Koga idzedzo dzinozewula kene dzinopalalanya thozo dzamusakafanila ja ndiyedzi, kamela ne shulo ne mbila ngoti dzozewula koga adzitopalalanya thozo, adzite dzili mbuyanana kumuli. 8Hwotji, ngoti inopalalanya thozo koga aitozewula, ateili mbuyanana kumuli. Musitongo ja nyama yadzo ne zwitumbu zwadzo musitongo zwibhata.
9“Muna zose zwimu vula munga ja ezwi: Tjimwe ne tjimwe tjina zwimbi ne makwapa mungazwija. 10Tjisina zwimbi ne makwapa musitongo tjija, ate tjili tjibuyanana kumuli.
11“Munga ja nyuni dzose mbuyanana. 12Koga edzi ndidzo dzamusakafanila kudzija: dzu ne gola ne dzu le hwobe 13ne bhangu gulu ne luphangwana butema kuyenda nge njudzi dzago 14ne gungubo limwe ne limwe ne ludzi gwalo 15ne fukumudzi ne ikundamwenyu ne hwungwe ne luphangwana bushaba kuyenda ne njudzi dzadzo 16ne ikotoshwiyo ne gunda ne dada 17ne hwuduntule ne njelele ne ishwiyo 18ne hanganlobe ne thame kuyenda nge njudzi dzadzo ne tjibelu na manlembe. 19Ne zwikonyana zose zwina mapapilo ate zwili zwibuyanana kumuli, zwisitongobuya zwikajiwa. 20Zose zwithu zwibuyanana zwina mapapilo mungazwija.
21 #
Kufuluka 23:19; 34:26 “Musitongoja tjimwe tjazwifila, mungatjipa ntaya ugele mu mizi yenyu kuti iye aje kene mungatjitengesela ntaya ukuzhe, kana imwi mu bathu bakayengemala kuna Yahwe Ndzimu wenyu.” “Musitongo kapayidza mbudzana mu nkaka wa mayi bayo.”
Nlayo we tjebugumi
22 #
Zwipo 27:30-33; Mbalo 18:21 “Muduse tjebugumi tje mbewu dzenyu dzose dzinodwa mu minda yenyu gole ne gole. 23Pana Yahwe Ndzimu wenyu ndipo pamunojila tjebugumi tje mathunde enyu netje nkumbi wenyu we zhambi netje mafuta enyu ne mbano dze ng'ombe dzenyu nedze mbudzi ne pkhwizi dzenyu mu bugalo gwabanowoshalula kuthama kuti zina labo ligale ko kuti muzwidiye kutja Yahwe Ndzimu wenyu misi yose. 24Ngono ha kuli kulesa nawe usingatubule kuyisa tjebugumi tjitjo tjibaka Yahwe Ndzimu uwo bakukombolela ngoti bugalo igogo kuli kulesa nawe igogu gunowobe gwashalugwa ndi Yahwe Ndzimu uwo kubiga zina labo ko, 25ipapo utjishandule tjibe mari uasenge uyende ku bugalo Yahwe Ndzimu gwabanoshalula, 26ube ushingisa mari iyawo muna tjaunoda, kungabe ng'ombe kene pkhwizi kene nkumbi we zhambi kene nkumbi wakabila kene tjimwe koga tjawungabe uyemula ngono uzwije mbeli kwa Yahwe Ndzimu uwo ushathe iwe ne nsha uwo. 27Ngono usitongosiya Nlevi umu mizi yenyu ngoti aana gobe kene thaka namwi.”
28“Kubupelo gwe makole matatu mamwe ne mamwe muzhise tjebugumi tjose tjamawana mu gole ilo zwalo mutjibiganye mu mizi yenyu, 29ngono Nlevi ngoti asina gobe kene thaka namwi ne nlubili ne siyang'wa ne tjilikadzi bamu mizi yenyu banowozha bakaja bakaguta kuyita kuti Yahwe Ndzimu wenyu bamukombolele muna tjamunoshinga nge maboko enyu.
Currently Selected:
Matama 14: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
