1 Zwiyitikalo 7
7
Zwizekugwana zwa Isakari
1Bakololo ba Isakari bakabe bali bo Tola na Puva na Jashubu na Shimironi, bose bose bakabe bali banna. 2Bakololo ba Tola kakale bali boshe be misha yabo bakabe bali bo Uzi na Refaya na Jerieli na Jahamayi na Ibusamu na Samuele. Mu misi ye mbuso wa Dafite zwizekugwana zwa Tola zwakabe zwili babhayani bakasima, nge mbalo zwakabe zwili zwiwulu zwili makumi mabili zwina zwibili ne mazana ali tathatu (22 600). 3Bakololo ba Uzi bakabe bali bo Izirahiya, Izirahiya kazwala Mikaele na Obadiya na Jowele na Ishiya. Nge bushanu gwabo bakabe bali boshe. 4Kuyenda nge njudzi dzabo ne kuyenda ne misha yabo bakabe bali makupo e babhayani bakazwilulwamisila ngwa bali zwiwulu zwili makumi matatu ana tathatu (36 000), ngoti bakabe bana bakadzi banjinji ne bana. 5Bakanyi kwabo kudwa mu misha yose ya Isakari bakabe bali babhayani bali zwiwulu zwili makumi ali zhanakadzi ana bali kutendeka (87 000) bakabe bakakwagwa kuyenda nge lutshinga.
Zwizekugwana zwa Bhenjamini na Dani
6Bakololo ba Bhenjamini bakabe bali bo Bhela na Bekheri na Jediale bose bakabe bali batatu. 7Bakololo ba Bhela bakabe bali bo Eziboni na Uzi na Uziele na Jerimoti na Iri, bose bakabe bali bashanu kakale bali boshe mu misha yabo. Bakabe bali babhayani bakasima bali zwiwulu zwili makumi mabili zwina makumi matatu ana bali banna (22 034) bakabe bakakwagwa nge lutshinga. 8Bakololo ba Bekheri bakabe bali bo Zemira na Joashi na Eliezeri na Eliyonayi na Omiri na Jerimoti na Abija na Anatoti na Alemeti. Bose ibaba bakabe bali bakololo ba Bekheri. 9Bakabe bakakwagwa nge lutshinga bali boshe mu misha yabo ne babhayani bali zwiwulu zwili makumi mabili ana mazana mabili (20 200). 10Nkololo wa Jediele wakabe ali Bhilihani. Bakololo ba Bhilihani bakabe bali bo Jeushi na Bhenjamini na Ehudi na Kenaana na Zethani na Tashishi na Ahishahari. 11Ibaba bose bakololo ba Jediele bakabe bali boshe mu misha yabo kakale bali babhayani bakazwilulwamisila ngwa nge mbalo bakabe bali zwiwulu zwili gumi lina kutendeka ne mazana ali mabili (17 200). 12Bathu be Shupimu ne Hupimu bakabe bali zwizekugwana zwa Iri. Bathu be Hushimu ibo bakabe bali zwizekugwana zwa Aheri.
Zwizekugwana zwa Nafutali
13Bakololo ba Nafutali bakabe bali bo Jahiziele na Guni na Jezeri na Shalumu bali zwizekugwana zwa Bhiliha.
Zwizekugwana zwa Manase
14Manase wakawana bakololo babili Asiriele na Makiri nge nkadzi uwe ntukunu we N'aramu. Makiri wakabe ali tate ba Giliyadi. 15Makiri wakabe akalobola kudwa mu Bahupimu ne Bashupimi. Hazwadzi iye wakabe ali Maaka. Tjizekugwana tjimwe tjakabe tjidang'wa Zelofehadi, iye wakabe ana bakololokadzi koga. 16Nkadzi wa Makiri Maaka, wakabe ne bakololo bali babili, bakabe bedang'wa Pereshi na Shereshi. Pereshi kabe ne bakololo bali babili Ulamu na Rakemu. 17Ulamu kazwala Bedani. Ibaba bakabe bali bakololo ba Giliyadi nkololo wa Makiri, Makiri ali nkololo wa Manase. 18Hazwadzi ya Giliyadi Hamolekiti wakabe ana bakololo bali batatu, bo Ishodi na Abiezeri na Mahla. 19Bakololo ba Shemida bakabe bali bo Ahiani na Shekemu na Likhi na Aniamu.
Zwizekugwana zwa Ifureimu
20Bakololo ba Ifureimi bakabe bali bo Shuthela, Shuthela kazwala Beredi, Beredi kazwala Tahati, Tahati kazwala Eleyadi, Eleyadi kazwala Tahati, 21Tahati kazwala Zabadi, Zabadi kazwala Shuthela, Shuthela kazwala Ezeri na Eleyadi ibo bakabulawa pabakabe begwisa kwiba zwithuwo zwe bathu be Gati. 22Tate babo Ifureimi bakabe mu tjililo nge kwabo kwe mazhuba ali manjinji ngono banung'una babe bakabe begala bezha kunyaladza. 23Ifureimi kawalilana ne nkadzi uwe ngono kazwisenga kazwala mwana we tjilisana kan'dana eti Bheriya edwa kuti, “Zhalima lawila nsha uwe.” 24Nkololokadzi uwe wakabe ali Shera, ndiye wakasika mizi ye kwakatathila ne kwakakungulukila kwe Bhetihoroni ne Uzeni Shera. 25Ifureimi wakabe ana mmwe nkololo wakabe edang'wa Rafa, Rafa kazwala Rashefi, Rashefi kazwala Tela, Tela kazwala Tahani, 26Tahani kazwala Ladani, Ladani kazwala Amihudi, Amihudi kazwala Elishama, 27Elishama kazwala Nuni, Nuni kazwala Joshuwa. 28Magalo abakatapa akabe ali Bhetele ne mizana yayo ne kunobhuda zhuba kwe Naarani ne kunomila zhuba kwe Gezeri ne mizana yayo ne Shekemu ne mizana yayo kose ne Aya ne mizana yayo, 29kose ne migathu ye ludzi gwa Manase ne Bhetisheani ne mizana yayo ne Taanaki ne mizana yayo ne Megido ne mizana yayo ne Dori ne mizana yayo. Mu magalo iyawa kwakabe kugala bakololo ba Josefa, Josefa ali nkololo wa Iziraela.
Zwizekugwana zwa Asheri
30Bakololo ba Asheri bakabe bali bo Imina na Ishiva na Bheriya ne hazwadzi yabo Sera. 31Bakololo ba Bheriya bakabe bali Heberi na Malikile iye wakabe ali tate ba Bhizaiti. 32Heberi wakabe ali tate ba Jafeleti na Shomeri na Hothamu ne hazwadzi yabo Shuwa. 33Bakololo ba Jafeleti bakabe bali bo Pasaki na Bimihali na Ashivati. Ibaba bose bakabe bali bakololo ba Jafeleti. 34Bakololo be nnung'una uwe Shemeri bakabe bali bo Rogha na Jehubha na Aramu. 35Bakololo be nnung'una uwe Helemu bakabe bali bo Zofa na Imina na Sheleshi na Amali. 36Bakololo ba Zofa bakabe bali bo Suwa na Harineferi na Shuali na Bheri na Imira, 37na Bhezeri na Hodi na Shama na Shilishahi na Itirani na Bheera. 38Bakololo ba Jetheri bakabe bali bo Jefune na Pisipa na Ara. 39Bakololo ba Ula bakabe bali bo Ara na Haniele na Riziya. 40Bose ibaba bakabe bali zwizekugwana zwa Asheri bali misholo ye misha, balume bakasima, balume bana babhayani bana zwilopa kakale bali batungamili bakwako. Mbalo ye balume bakabe bakazwilulwamisila ngwa sekwa yakakwagwa mu hwalo dzabo dze mazwago yakabe ili zwiwulu zwili makumi mabili ana tathatu (26 000).
Kalanga Bible © Bible Society of Botswana, 2008, 2018.