1 Zwiyitikalo 6
6
Ndongoloso ye misha ye bapirisiti
1Levi wakabe ana bakololo bali batatu. Ibo bakabe bali bo Geshoni na Kohati na Merari. 2Bakololo ba Kohati bakabe bali bo Amuramu na Izhari na Heburoni na Uziele. 3Bana ba Amuramu bakabe bali bo Aroni na Mushe na Miriamu. Bana ba Aroni bakabe bali bo Nadabi na Abihu na Eleazari na Ithamari. 4Eleazari wakabe ali tate ba Finihasi, Finihasi ali tate ba Abishuwa, 5Abishuwa ali tate ba Bhuki, Bhuki ali tate ba Uzi, 6Uzi ali tate ba Zeraya, Zeraya ali tate ba Meraoti, 7Meraoti ali tate ba Amariya, Amariya ali tate ba Ahitubu, 8Ahitubu ali tate ba Zadoki, Zadoki ali tate ba Ahimazi, 9Ahimazi ali tate ba Azariya, Azariya ali tate ba Johanani, 10Johanani ali tate ba Azariya (ndiye wakabe eshinga ali mpirisiti mu Ng'umba ye Ndzimu yakabakwa ndi Solomoni ku Jerusalema). 11Azariya wakabe ali tate ba Amariya, Amariya ali tate ba Ahitubu, 12Ahitubu ali tate ba Zadoki, Zadoki ali tate ba Shalumu, 13Shalumu ali tate ba Hilikiya, Hilikiya ali tate ba Azariya, 14Azariya ali tate ba Seraya, Seraya ali tate ba Jehozadaki. 15Jehozadaki iye wakatapiwa ndi Nebukadineza tjibaka Yahwe tjabakathama kuti Juda ne Jerusalema dzitapiwe.
Zwimwe zwizekugwana zwa Levi
16 #
Kufuluka 6:16-19
Levi wakabe ana bakololo bali batatu. Ibo bakabe bali bo Geshoni na Kohati na Merari. 17Awa ndiwo mazina e bakololo ba Geshoni: Libini na Shimeyi. 18Bakololo ba Kohati bakabe bali bo Amuramu na Izhari na Heburoni na Uziele. 19Bakololo ba Merari ndi Mahili na Mushi. Idzedzi njudzi dze Balevi nge kulongoloka kwa botate babo. 20Ludzi gwa Geshoni gwakabe guna nkololo uwe Libini, Libini kazwala Jehati, Jehati kazwala Zima, 21Zima kazwala Jowa, Jowa kazwala Ido, Ido kazwala Zera, Zera kazwala Jeatherayi. 22Zwizekugwana zwa Kohati zwakabe zwili bo Aminadabu, Aminadabu kazwala Kora, Kora kazwala Asiri, 23Asiri kazwala Elikana, Elikana kazwala Ebiasafu, Ebiasafu kazwala Asiri, 24Asiri kazwala Tahati, Tahati kazwala Urieli, Urieli kazwala Uziya, Uziya kazwala Shaulo. 25Zwizekugwana zwa Elikana zwakabe zwili bo Amasayi na Ahimoti, 26Ahimoti kazwala Elikana, Elikana kazwala Zofayi, Zofayi kazwala Nahati, 27Nahati kazwala Eliabu, Eliabu kazwala Jerohamu, Jerohamu kazwala Elikana, Elikana kazwala Samuele. 28Bakololo ba Samuele bakabe bali bo Jowele ali mbano na Abija ali thobeledzi iye. 29Zwizekugwana zwa Merari bakabe bali bo Mahili, Mahili kazwala Libini, Libini kazwala Shimeyi, Shimeyi kazwala Uza, 30Uza kazwala Shimeya, Shimeya kazwala Hagiya, Hagiya kazwala Asaya.
Balidzi mu Ng'umba ye Ndzimu
31Aba ndibo bakabigwa ndi Dafite kuti babe ibo bakabhata kuna zwe zwilidzo mu Ng'umba ya Yahwe shule Bhokisi le Tjidumano latjidzikama ko. 32Bakabe beshinga lidza njimbo mbeli kwe bugalo gwe Ndzimu iko mbeli kwe nshasha we bushanganilo kudzina Solomoni abaka Ng'umba ya Yahwe mu Jerusalema. Bakabe belidza kuyendidzana ne sekwa bakabe balayiwa. 33Aba ndibo balume bakabe beshinga nenge bakololo babo:
Kudwa mu ludzi gwa Kohati bakabe bali bo Hemani, nyambi ye mba ne nkololo wa Jowele, Jowele ali nkololo wa Samuele, 34Samuele ali nkololo wa Elikana, Elikana ali nkololo wa Jerohamu, Jerohamu ali nkololo wa Elieli, Elieli ali nkololo wa Towa, 35Towa ali nkololo wa Zufu, Zufu ali nkololo wa Elikana, Elikana ali nkololo wa Mahati, Mahati ali nkololo wa Amasayi, 36Amasayi ali nkololo wa Elikana, Elikana nkololo wa Jowele, Jowele ali nkololo wa Azariya, Azariya ali nkololo wa Zefaniya, 37Zefaniya ali nkololo wa Tahati, Tahati ali nkololo wa Asiri, Asiri ali nkololo wa Ebiasafu, Ebiasafu ali nkololo wa Kora, 38Kora ali nkololo wa Izhari, Izhari ali nkololo wa Kohati, Kohati ali nkololo wa Levi, Levi ali nkololo wa Iziraela. 39Asafa wakabe ali mbhatshi wa Hemani ibo ludzi gwabo gwabe guli sahwoku: Asafa nkololo wa Bherekiya, Bherekiya ali nkololo wa Shimeya, 40Shimeya ali nkololo wa Mikaele, Mikaele ali nkololo wa Bhaseya, Bhaseya ali nkololo wa Malikija, 41Malikija ali nkololo wa Etini, Etini ali nkololo wa Zera, Zera ali nkololo wa Adaya, 42Adaya ali nkololo wa Ethani, Ethani ali nkololo wa Zima, Zima ali nkololo wa Shimeyi, 43Shimeyi ali nkololo wa Jahati, Jahati ali nkololo Geshoni, Geshoni ali nkololo wa Levi. 44Kudwa mu bashingi nabo kwakabe kuli ludzi gwa Merari bakabe bali babhatshi bakabe bali bo: Ethani nkololo wa Kishi, Kishi ali nkololo wa Abidi, Abidi ali nkololo wa Maluki, 45Maluki ali nkololo wa Hashabiya, Hashabiya ali nkololo wa Amaziya, Amaziya ali nkololo wa Hilikiya, 46Hilikiya ali nkololo wa Amuzi, Amuzi ali nkololo wa Bani, Bani ali nkololo wa Shemeri, 47Shemeri ali nkololo wa Mahili, Mahili ali nkololo wa Mushi, Mushi ali nkololo wa Marari, Marari ali nkololo wa Levi. 48Hama dzabo dze Balevi bakapiwa mishingo yose ye bugalo gwe Ndzimu gwe Ng'umba ye Ndzimu.
Zwizekugwana zwa Aroni
49Koga Aroni ne zwizekugwana zwizwe ndibo bakabe bezhisa zwibhayilo mu tjibeso tjinopisigwa zwibhayilo zwinopisiwa ne mu tjibeso tjinopisigwa motsha beshinga mishingo yose ye Bugalo gwakayengemala kupindisa kakale bethama gadzanyo na Yahwe sekwakaleba Mushe nlanda we Ndzimu. 50Aba ndibo bakololo ba Aroni, Eleazari, Eleazari nkololo uwe wakabe ali Finihasi, Finihasi nkololo uwe ali Abishuwa, 51Abishuwa nkololo uwe ali Bhuki, Bhuki nkololo uwe ali Uzi, Uzi nkololo uwe ali Zeraya, 52Zeraya nkololo uwe ali Meraoti, Meraoti nkololo uwe ali Amariya, Amariya nkololo uwe ali Ahitubu, 53Ahitubu nkololo uwe ali Zadoki, Zadoki nkololo uwe ali Ahimazi.
Magalo e Balevi
54Iyawa ndiwo magalo abo ne sekwa bakabe bazwithubukanya nge migathu yabo: Zwizekugwana zwa Aroni zwe ludzi gwa Kohati. Ibo bakapiwa kutanga ngoti hakata dzakatendeka ibo kutanga. 55Bakapiwa Heburoni mu shango ye Juda ne mafulo ayo aka ipoteleka, 56koga minda ye nzi nkulu ne mizana yawo yakabe ili pasi kwe nzi nkulu yakapiwa Khalebu nkololo wa Jefune. 57Ndizo zwizekugwana zwa Aroni zwakapiwa Heburoni nzi we dizhilo, ne Libina ne Jatiri ne Eshitemoa 58ne Hileni ne Dibiri 59ne Ashani ne Bhetishemeshi ne mafulilo e mizi iyeyo. 60Kudwa mu ludzi gwa Bhenjamini ibo bakapiwa Geba ne Alemeti ne Anatoti kose ne mafulilo e mizi iyeyo. Mizi yose yakakobanyiwa ludzi gwe Kohati yakabe ili gumi lina mitatu (13) yose yose.
61Bamwe bose be ludzi gwa Kohati bakakobegwa mizi ili gumi mu mizi ye gwamu le ludzi gwa Manase. 62Zwizekugwana zwa Geshoni, kuyenda nge ludzi zwakakobegwa mizi ili gumi ina ili mitatu (13) kudwa mu ludzi gwa Isakari na Asheri na Nafutali ne mu ludzi gwa Manase guku Bhashani. 63Zwizekugwana zwa Merari kuyenda nge ludzi zwakakobegwa mizi ili gumi lina mibili (12) kudwa mu ludzi gwa Rubheni negwa Gadi negwa Zebuluni. 64Bathu be Iziraela bakakobela Balevi mizi iyeyi ne mafulilo ayo. 65Mu ludzi gwa Juda negwa Simiyoni negwa Bhenjamini bakakobegwa ngoposa hakata. 66Bamwe be misha ye bakololo ba Kohati bakapiwa mizi kudwa mu ludzi gwa Ifureimi. 67Mu shango ye matombo ye Ifureimi bakapiwa Shekemu nzi nkulu we matizhilo ne Gezeri 68ne Jokimeamu ne Bhetihoroni 69ne Aijaloni ne Gatirimoni kose ne mafulilo e mizi iyeyi. 70Kudwa mu gwamu le ludzi gwa Manase bakabe bapiwa nzi we Aneri ne mafulilo awo ne Bileyamu ne mafulilo awo kose ikoku kwakapiwa bose be misha ye Bakohati. 71Be ludzi gwa Geshomu ibo bakapiwa mu gwamu le ludzi gwa Manase sahwoku: Bakapiwa nzi we Golani mu Bhashani ne Ashitaroti kose ne mafulilo e mizi iyeyo. 72Kudwa mu ludzi gwa Isakari bakapiwa mizi ye Kedeshi ne Daberati, 73ne Ramoti ne Anemu kose ne mafulilo e mizi iyeyo. 74Kudwa mu ludzi gwa Asheri bakapiwa mizi ye Mashali ne Abedoni, 75Hukoku ne Rehobu kose ne mafulilo e mizi iyeyi. 76Kudwa mu ludzi gwa Nafutali bakapiwa mizi ye Kedeshi mu Galili ne Hamoni ne Kiriyathayimu kose ne mafulilo e mizi iyeyo. 77Bathu be Merari bakapiwa mizi ye Jokineamu ne Karita ne Rimono ne Tabori kose ne mafulilo e mizi iyeyi kudwa mu ludzi gwa Zebuluni. 78Kudwa mu ludzi gwa Rubheni seli kwe Jorodani ku Bhezhuba kwe Jerikho bakapiwa nzi we Bhezera umu tjilambanyika ne nzi we Jahaza, 79newe Kedemoti ne Mefaati kose ne mafulilo e mizi iyeyi. 80Kudwa mu ludzi gwa Gadi bakapiwa mizi ye Ramoti mu Giliyadi ne Mahanayimi, 81ne Heshibhoni ne Jazeri kose ne mafulilo e mizi iyeyo.
Kalanga Bible © Bible Society of Botswana, 2008, 2018.