1 Zwiyitikalo 25
25
Bambi be Ng'umba ye Ndzimu
1Dafite ne makulukota e nshingo bakashalula bamwe be bakololo ba Asafa neba Hemani ne muna ba Jeduthuni kuti bashinge nshingo we bulebesambeli gwakashangana ne kulidza zwilidzo zwe laya ne matende ne dzisimbali. Nlongolongo wa ibabo bakabe beshinga nenge mishingo yabo wakabe uli sahwoku: 2Kudwa mu bakololo ba Asafa kwakabe kuli Zakhuri na Josefa na Nethaniya na Asarela. Bakololo ba Asafa bakabe bakatungamigwa ndi Asafa iye wakabe elebelambeli ali pasi kwa mambo. 3Bakabe bakatungamigwa ndi Jeduthuni bakabe bali bakololo ba iye Jeduthuni bo Gedaliya na Zeri na Jeshaya na Shimeyi na Hashabiya na Mathitiya bose bose bali tathatu nge mbalo. Jeduthuni wakabe elebelambeli nge zwilidzo zwe laya mu kuboka nemu kukudza Yahwe. 4Kudwa muna bakabe bakatungamigwa ndi Hemani kwakabe kuli bakololo babe bo Bhukiya na Mataniya na Uziele na Shebuweli na Jerimoti na Hananiya na Hanani na Eliyathahi na Gidaliti na Romamitiezeri na Joshibekashahi na Malothi na Hothiri na Mahaziothi. 5Bose ibaba bakabe bali bakololo ba Hemani we nlebesambeli nkulu wa mambo, Ndzimu wakabe wapa Hemani bakololo bali gumi lina banna ne bakololokadzi bali batatu sekwa wakabe wagadzabgwe kuti ndizo Hemani akudziwe. 6Bose bakabe bali pasi kwe butungamili gwa tate babo mu zwilidzo zwe dzisimbali ne matende ne zwe laya zwe Ng'umba ye Ndzimu. Ngono Asafa na Jeduthuni na Hemani bakabe bali pasi kwe butungamili gwa mambo. 7Mbalo yabo yakashangana neye zwikamu zwabo bakabe badiyigwa kumbila Yahwe na bose bakabe bana luzibo bakabe bali mazana mabili ana bali makumi ali zhanakadzi (288). 8Bakakandila kuti ndizo babone kuti nshingo upi unonoshingwa ndiani nkulu kene ntukunu, badiyi ne badiyiwana. 9Ngono dziba le kutanga lakawila nsha wa Asafa kuna Josefa, le bubili lakawila nsha wa Gedaliya, liwila iye ne bakololo babe ne zwikamu zwizwe, 10le butatu lakawila nsha wa Zakhuri, liwila bakololo babe ne zwikamu zwizwe, 11le bunna lakawila nsha wa Iziri, liwila bakololo babe ne zwikamu zwizwe, 12le bushanu lakawila nsha wa Nethaniya, liwila bakololo babe ne zwikamu zwizwe, 13le butathatu lakawila nsha wa Bhukiya, liwila bakololo babe ne zwikamu zwizwe, 14le butendeka lakawila nsha wa Jesharela, liwila bakololo babe ne zwikamu zwizwe, 15le buzhanakadzi lakawila nsha wa Jeshaya, liwila bakololo babe ne zwikamu zwizwe, 16le buzhanalume lakawila nsha wa Mataniya liwila bakololo babe ne zwikamu zwizwe, 17le bugumi lakawila nsha wa Shimeyi liwila bakololo babe ne zwikamu zwizwe, 18le bugumi lina ling'ompela (11) lakawila nsha wa Azarele, liwila bakololo babe ne zwikamu zwizwe, 19le bugumi lina mabili (12) lakawila nsha wa Hashabiya, liwila bakololo babe ne zwikamu zwizwe, 20le bugumi lina matatu lakawila nsha wa Shebuweli, liwila bakololo babe ne zwikamu zwizwe, 21le bugumi lina manna (14) lakawila nsha wa Mathitiya, liwila bakololo babe ne zwikamu zwizwe, 22le bugumi li mashanu lakawila nsha wa Jerimoti, liwila bakololo babe ne zwikamu zwizwe, 23le bugumi le matathatu lakawila Hananiya, liwila bakololo babe ne zwikamu zwizwe, 24le bugumi lina butendeka (17) lakawila nsha wa Joshibekashahi, liwila bakololo babe ne zwikamu zwizwe, 25le bugumi lina zhanakadzi (18) lakawila nsha wa Hanani, liwila bakololo babe ne zwikamu zwizwe, 26le bugumi lina zhanalume (19) lakawila nsha wa Malothi, liwila bakololo babe ne zwikamu zwizwe, 27le bumakumi mabili (20) lakawila Eliyathahi, liwila bakololo babe ne zwikamu zwizwe, 28le makumi mabili ana ling'ompela (21) lakawila Hothiri, liwila bakololo babe ne zwikamu zwizwe, 29le makumi mabili ana mabili (22) lakawila nsha wa Gidaliti, liwila bakololo babe ne zwikamu zwizwe, 30le makumi mabili ana matatu (23) lakawila nsha wa Mahaziothi, liwila bakololo babe ne zwikamu zwizwe, 31le makumi mabili ana manna (24) lakawila nsha wa Romamitiezeri, liwila bakololo babe ne zwikamu zwizwe.
Kalanga Bible © Bible Society of Botswana, 2008, 2018.