SALMOS 84
84
Uts'atax i yotot Dios
1I Yumet bʌ Panchan yic'ot Pañimil,
I t'ojol jax a Templo.
2C Yum, cabʌl mij c'uxbin a wajñib ba' com c ch'ujutesañet.
Wen tijicña c pusic'al che' mij c'ʌyiñet, come cuxul bʌ Dioset.
3Jini xpuruwoc yic'ot jini x'ajlum tsi' mele tac i c'u' cha'an mi yʌc' i yal.
Ya'ʌch an ti pulʌntib tac a cha'an, i Yumet bʌ Panchan yic'ot Pañimil.
Reyet c cha'an, c Dioset.
4Tijicñayob jini mu' bʌ i chumtʌlob ti a wotot.
Mi caj i subob a ñuclel ti pejtelel ora.
5Tijicñayob mu' bʌ i tajob i p'ʌtʌlel ti a tojlel,
Mu' bʌ i xʌñob majlel a bijlel.
6Tijicñayob mu' bʌ i tajob cuxul bʌ ja' ya' ti joctʌl che' mi' ñumelob majlel ba' mi' cha'leñob uq'uel.
Mi' yajlel jubel i yutslel Dios che' bajche' ja'al mu' bʌ i yʌch'esan lum cha'an mi' yax'an.
7Mux i yʌq'uentelob i p'ʌtʌlel che' mi' majlelob,
Jinto mi' c'otelob ba'an Dios ya' ti Sion.
8Dios, i Yumet bʌ Panchan yic'ot Pañimil, ubibeñon coración.
I Dioset bʌ Israel ñich'tʌbeñon.
9Dios, c Mʌctʌjibet lojon, ma' coltañon lojon.
Pʌsben a wutslel jini rey yajcʌbil bʌ a cha'an.
10Come uts'at jump'ejl q'uin ya' ti mal a Templo.
Mach uts'atic jump'ejl mil q'uin ti jumpat.
Uts'at mi tsa' wʌq'ueyon j cʌntʌben i ti' a wotot c Dios.
Mach uts'atic mi chumulon ti' yotot jontolo' bʌ.
11Come lac Yum Dios lac Mʌctʌjibʌch, lac Sʌclelʌch.
Lac Yum mi' p'untañonla. Mi' yʌq'ueñonla lac ñuclel.
Mux i yʌq'uentelob chuqui tac uts'at jini sʌco' bʌ i pusic'al.
12I Yumet bʌ Panchan yic'ot Pañimil, tijicña jini xuc'ul bʌ i pusic'al ti a tojlel.
Currently Selected:
SALMOS 84: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.