SALMOS 85
85
Mi' c'ajtiben Dios i p'untʌntel israelob
1C Yum, tsa'ix a pʌsbe a lumal i yutslel a t'an.
Tsa'ix a loc'sa Israel ba' cʌchʌl ti yambʌ lum. Tsa'ix a cha' pʌyʌ tilel.
2Tsa'ix a ñusʌbe i mul a cha'año' bʌ.
Tsa'ix a mucbeyob pejtelel i mul.
3Tsa' lajmi a mich'ajel. Tsa' cʌyʌ a mich'leñob.
4Cha' p'ʌtesañon lojon, Dios caj Coltaya lojon. Cʌyʌx a mich'leñon lojon.
5¿Mu' ba caj a chʌn mich'leñon lojon ti pejtelel ora?
¿Mu' ba caj a mich'len calobilob yic'ot i yalobilob?
6¿Mach ba awomic a cha' ch'ejlesʌbeñon lojon c pusic'al
Cha'an tijicña mi yubiñob a cha'año' bʌ ti a tojlel?
7C Yum, pʌsbeñon lojon a wutslel. Coltañon lojon.
8Mi caj c ñich'tan che' mi' pejcañon Dios lac Yum.
Mi caj i yʌq'ueñob i ñʌch'tilel i pusic'al i cha'año' bʌ,
Ame i cha' tʌts'ob i bʌ che' bajche' tontojo' bʌ.
9Isujm, lʌc'ʌl an i coltʌntel jini mu' bʌ i bʌc'ñañob lac Yum
Cha'an mi' cʌjñel i ñuclel Dios wʌ' ti lac lumal.
10Temel tsa' tsictiyi i yutslel i pusic'al Dios yic'ot i sujmlel.
Temel tsa' tsictiyi ja'el i tojel yic'ot i ñʌch'tilel i pusic'al.
11Wʌ' ti pañimil mi caj i tsictiyel i sujmlel Dios.
Jini toj bʌ i pusic'al am bʌ ti panchan uts'at mi caj i q'uelonla.
12Isujm, lac Yum mi caj i yʌc' chuqui tac uts'at.
Mi caj i yʌq'uen i wut lac pʌc'ʌbʌl.
13Mi caj i toj'esañonla majlel ti toj bʌ i pusic'al.
Ñaxan mi' majlel cha'an mi' pʌsbeñonla jini bij.
Currently Selected:
SALMOS 85: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.