SALMOS 67
67
La' sujbic i ñuclel Dios ti' petol pañimil
1Dios, p'untañon lojon. Aq'ueñon lojon i yutslel a t'an.
Yom tijicña a pusic'al ma' q'uelon lojon
2Cha'an mi' cʌñob a bijlel jini año' bʌ ti pañimil,
Cha'an mi' ña'tañob winicob x'ixicob ti pejtelel pañimil awujil coltaya.
3Dios, la' i subob a ñuclel pejtel winicob x'ixicob.
La' i subob a ñuclel.
4La' i yubiñob i tijicñʌyel jini tejclum tac. La' i cha'leñob c'ay ti tijicñʌyel i pusic'al,
Come toj ma' cha'len yumʌl ti' tojlel.
Mi caj a pʌsbeñob a bijlel.
5Dios, la' i subob a ñuclel winicob x'ixicob.
La' i tsictesañob a ñuclel.
6Jini lac chol tsa'ix i yʌc'ʌ tac i cuch.
Dios woli' pʌsbeñonla i yutslel, jiñʌch lac Dios.
7Dios mi caj i pʌsbeñonla i yutslel.
Mi caj i bʌc'ñañob Dios winicob x'ixicob c'ʌlʌl ti ñajt tac bʌ pañimil.
Currently Selected:
SALMOS 67: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.