SALMOS 143
143
Cabʌl i wocol ti' tojlel i contra
1C Yum, ubibeñon coración.
Ñich'tʌbeñon chuqui wolij c'ajtibeñet.
Jac'beñon, come xuc'ul a pusic'al, toj ja'el.
2A winicon, mach a melon.
Come awujil ma'anic toj bʌ winic.
3Come jini j contra tsa'ix i yajñesayon.
Tsa'ix i t'uchtayon jubel ti lum.
Tsi' yotsayon ti ic'yoch'an bʌ pañimil che' bajche' i mal mucoñibʌl.
4Jini cha'an c'uñon cha'an ch'ijiyem c pusic'al.
Mi' toj sajtel c pusic'al.
5Mic ña'tan bajche' tsac ñusa q'uin ti yambʌ ora.
Mic ña'tan i ye'tel a c'ʌb. Mi cʌc' tic pusic'al pejtel a melbal.
6Mic letsan j c'ʌb ya' ba' añet.
Comet ti pejtelel c pusic'al che' bajche' yom ja' jini tiquin lum.
7Jac'beñon ti ora, c Yum, come c'unix c pusic'al.
Mach a mʌybeñon a wut,
Ame lajalic mic sujtel bajche' jini mu' bʌ i jubelob ochel ti ch'en.
8Che' mi' sʌc'an pañimil, la' c ña'tan c'ux ma' wubiñon,
Come wolic ñopet.
Cʌntesañon baqui a wom mic majlel,
Come mi cʌc' c bʌ ti a wenta.
9C Yum, pʌyʌyon loq'uel ti' tojlel jini j contrajob.
Ti ajñel mic cha'len puts'el c'ʌlʌl ba' añet cha'an ma' cʌntañon.
10Cʌntesañon chuqui a wom mic mel, come c Dioset.
La' i pʌyon majlel ti toj bʌ bij a wEspíritu come jiñʌch wen bʌ.
11Cha'an i ñuclel a c'aba', c Yum, ch'ejlesañon.
Pʌyʌyon loq'uel ti wocol ti toj bʌ a pusic'al.
12Jisan j contrajob come c'ux ma' wubiñon.
Jisan pejtel mu' bʌ i tic'lañoñob, come a winicon.
Currently Selected:
SALMOS 143: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.