SALMOS 144
144
Cabʌl i coltʌntel ti Dios
1La' ch'ujutesʌntic lac Yum.
Jiñʌch Xajlel yilal ba' mic taj i xuc'tilel c pusic'al.
Mi' tojesʌbeñon j c'ʌb ti guerra.
Mi' cʌntesʌbeñon i yal j c'ʌb cha'an mi' mʌjlel c cha'an.
2Jiñʌch mu' bʌ i p'untañon.
Jiñʌch ts'ajquibil bʌ cotot yilal ba' mic cha'len puts'el.
Jiñʌch chan bʌ ts'ajc ba' mi cochel. Caj coltayajʌch.
C mʌctʌjibʌch ba' mic taj j coltʌntel.
Mi' ñijcʌbeñob i pusic'al winicob x'ixicob cha'an mi' yumañoñob.
3Winicon lojon, c Yum. ¿Chuqui que'tel lojon cha'an ma' ña'tañon lojon?
¿Chuqui i ye'tel i yalobil winic cha'an ma' cʌntan?
4Ora jach mi' ñumelob ti pañimil winicob che' bajche' mi' ñumel ic'.
Lajalob bajche' axñal mu' bʌ i ñumel.
5C Yum, la' jubic panchan. La' ti pañimil.
Jats'ʌ jini wits tac cha'an mi' loq'uel i buts'il.
6Choco tilel chajc che' bajche' i te'el jalʌjb
Cha'an mi' pam pujquelob j contrajob. Ajñesañob.
7Pʌsʌ a p'ʌtʌlel ya' ti chan.
Coloyon. Chucuyon loq'uel ti colem ja'.
La' loq'uicon ti' p'ʌtʌlel jini mach bʌ cʌmbilobic c cha'an,
8Mu' bʌ i cha'leñob lot.
Cha'p'ejlob i pusic'al. Leco i melbalob.
9Dios, mi caj j c'ʌyibeñet tsiji' bʌ c'ay.
Mi caj j c'ʌyibeñet salmo tac yic'ot arpa am bʌ lujunt'ujm i ch'ajñal.
10Ma' wʌq'ueñob i p'ʌtʌlel reyob cha'an mi' t'uchtañob i contrajob.
Tsa' pʌyʌ loq'uel a winic David ti wocol.
11Coloyon, pʌyʌyon loq'uel ti' c'ʌb jini mach bʌ cʌmbilobic c cha'an, mu' bʌ i cha'leñob lot.
Cha'p'ejlob i pusic'al. Leco i melbalob.
12Che' añet tic tojlel lojon c Yum,
Lajalob ch'iton bʌ calobilob lojon che' bajche' pʌc'ʌbʌl uts'at bʌ mi' colel.
Lajalob jini xch'oc bʌ calobilob che' bajche' i t'ojol jax bʌ i yoyel i yotot rey.
13But'ul cotot lojon ti' bʌl lojon c ñʌc' ti chajp ti chajp.
Mi' p'ojlel tiñʌme' c cha'an lojon ti bajc' ti bajc' ya' ba' cʌntʌbil ti jamil.
14Cabʌl i cuch tat wacax.
Ma'anic chuqui leco ti calle tac ba' chumulon lojon.
Ma'anic wʌlwʌl t'an mi uq'uel.
15Tijicña mi' yajñelob jini winicob x'ixicob.
Tijicñayob come i cha'añob Dios, lac Yum.
Currently Selected:
SALMOS 144: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.