SALMOS 12
12
Leco i t'an xjontolilob
1C Yum, coltañon, come ma'anix winicob mu' bʌ i melob chuqui a wom.
Ma'anix juntiquil xuc'ul bʌ.
2Ti jujuntiquilob mi' lotiñob i pi'ʌlob.
Mi' cha'leñob uts bʌ t'an pero i lot, come cha'chajp jach i pusic'al.
3Lac Yum mi caj i jisan pejtel jini yujilo' bʌ lot.
Mi caj i jisan mu' bʌ i chañ'esañob i bʌ ti' t'an.
4Mi' yʌlob: Ch'ejlonla.
Mi mejlel lac mʌl ti lac t'an.
Ñuconla, cabʌl i p'ʌtʌlel lac t'an. ¿Majqui lac yum? lon che'ob.
5Lac Yum woli ti t'an:
Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an.
Jini cha'an mux caj c tech meloñel.
Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.
6Sʌcʌch i t'an lac Yum.
Che' yilal bajche' tsucul taq'uin tsa' bʌ puli wucyajl ti c'ajc.
7C Yum, jatet mi caj a cʌntan a cha'año' bʌ ti' tojlel jontolo' bʌ ti pejtelel ora.
8Jini jontolo' bʌ mi' chañ'esañob i bʌ ti lac joytilel
Che' woliyob ti yumʌl jini mu' bʌ i mulañob jontolil.
Currently Selected:
SALMOS 12: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.