SALMOS 11
11
An i puts'ib jini toj bʌ
1Tsa'ix cʌc'ʌ c bʌ ti' wenta c Yum.
¿Chucoch ma' subeñon: Puts'en ti wits che' bajche' te'lemut?
2Awilan, jini jontolo' bʌ woli' sʌts'ob i jalʌjb.
Tsa'ix i sʌts'ʌyob i ch'ajñal jalʌjb ya' ba' xiq'uil i te'el
Cha'an mi' julob jini toj bʌ winicob che' ac'ʌlelix.
3Lajalʌch jini mandar bajche' i yoyel otot.
Mi' tsa' jili yilal cha'an i mul jini xñusa mandarob,
¿Chuqui mi mejlel i mel jini toj bʌ winic?
4Ya'an lac Yum ti ch'ujul bʌ i Templo.
Ya'an i buchlib i yumʌntel ti panchan.
Mi' q'uel winicob, mi' yilʌbeñob i pusic'al.
5Lac Yum mi yilʌben i pusic'al jini toj bʌ winic.
Ti pejtelel i pusic'al mi' ts'a'len jini jontol bʌ winic yic'ot jini mu' bʌ i lon mulan jisaya.
6Mi caj i chocbeñob tilel nich c'ajc i wenta ja'al ti' pam jontolo' bʌ,
C'ajc yic'ot azufre yic'ot wen ticʌw bʌ ic' chajpʌbilix bʌ i cha'an.
7Como tojʌch lac Yum, mi' c'uxbin chuqui tac toj.
Jini tojo' bʌ mi caj i q'uelben i wut.
Currently Selected:
SALMOS 11: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.