JOB 5
5
1C'ajtin a coltʌntel ti wocol t'an. Q'uele mi an majqui mi caj i jac'. ¿Am ba juntiquil ch'ujul bʌ mu' bʌ mejlel i coltañet? 2Jini tonto bʌ mi' bajñel tsʌnsan i bʌ ti mich'ajel. Jini mu' bʌ i lon mich'len i pi'ʌlob cha'an tsʌytsʌyña i pusic'al mi' bajñel jisan i bʌ. 3Jini mu' bʌ i cʌyob Dios tic'ʌl mi poj jumuc' mi' tajob chuqui yomob, pero mi' bʌc' tilel wocol i jisañob. 4P'ump'un mi' cʌytʌlob i yalobilob. Mi' tic'lʌntelob. Ma'anic majqui mi' p'untañob. 5Mi' xujch'ibentelob i c'ajbal. Yaño' bʌ mi' c'uxob. Mi' jisʌbeñob i taq'uin. 6Mach tilemic ti lum lac wocol. Ti' caj i mul winicob mi' tajob wocol cha'an woli' c'ajob chuqui tac jach tsi' pʌc'ʌyob. 7I tilel mi' lejmel c'ajc che' tsuc'bil. I tilel mi' tajob wocol winicob c'ʌlʌl che' alʌlob to.
8Muq'uic c taj wocol che' bajche' jatet, mic sʌclan Dios. Mic junyajlel ac' c bʌ ti' wenta. 9Wen yujil i melol chuqui tac ñuc yic'ot chuqui tac uts'at. Ma'anix i p'isol i ñuclel, wen ñuc tac i ye'tel. 10Mi' choc tilel ja'al cha'an mi' yʌch'esan jini lum. 11Mi' coltan jini utso' bʌ i pusic'al yic'ot p'ump'uño' bʌ. Mi' pʌyob loq'uel ti wocol cha'an mi' yʌq'ueñob tijicña bʌ. 12Mi' mʌctan jini jontolo' bʌ che' an chuqui woli' ña'tañob i mel. 13Mi' yʌc'ob ti chujquel ya' ti yac mu' bʌ i lon chajpañob cha'an mi' chucob yambʌ i pi'ʌl. Mi' jembeñob i pensar che' an chuqui leco mi' lon ña'tañob i mel. 14Ti q'uiñil mi' cha'leñob xʌmbal ti ic'ch'ipan bʌ pañimil. Lajlajña mi' majlelob yilal che' bajche' xpots'. Lajal jach mi' melob ti q'uiñil che' bajche' ti ac'ʌlel. Mach yujilobic bajche' mi caj i yujtel i ye'tel. 15Dios mi' coltan meba' alʌlob yic'ot p'ump'uño' bʌ cha'an mi' loq'uelob ti' c'ʌb jini woli bʌ i tic'lañob. 16Che' jini xuc'ul mi caj i tajob tijicña bʌ. Pero mi caj i jilel i p'ʌtʌlel jini yujil bʌ jisaya.
17Tijicñayonla che' toj'esʌbilonla cha'an lac Yum. Jini cha'an mach ma' ts'a'len lac Yum che' mi' ju'sʌbeñet a pusic'al ti wocol. 18Wocol mi la cubin che' mi' lowonla Dios, pero mi caj i pixbeñonla lac lojwel cha'an mi lac cha' lajmel. 19Ma'anic mi caj a wʌjq'uel ti jilel anquese mi' cʌlʌx tajet wocol. Jujunyajl mi caj i coltañet loq'uel. 20Mi caj i cʌntañet che' ti' yorajlel wi'ñal ame chʌmiquet. Mi caj i cʌntañet che' ti' yorajlel guerra ame jejq'uiquet ti espada. 21Mi caj i cʌntañet che' mi' pʌq'uetob ti mulil. Mach a bʌc'ñan jini wocol mu' bʌ caj i tilel. 22Anquese mi' p'ojlel guerra yic'ot wi'ñal mux caj a cha'len tse'ñal, come ma'anic chuqui mi caj i tumbeñet. Che jach mi caj i ñusañet jini jontol bʌ bʌte'el. 23Anquese wen jontol, uts mi caj i c'axel ti a t'ejl. Jini pañimil ja'el mi caj i pʌsbeñet i yutslel. 24Ma'anic chuqui mi caj a bʌc'ñan. Ma'anic majqui mi caj i tic'lan a wotot che' an ba' ma' majlel. Ma'anic majqui mi caj i xujch'ibeñet a wʌlac' mi i bʌlic a ñʌc' lotol bʌ a cha'an. 25Mi caj i q'uejlelob ti ñuc a walobilob. Mi caj i p'ojlelob che' bajche' jam. 26Che' bajche' mi' cujchel tilel ixim ba' mi' lʌjt'el ti' yorajlel c'ajbal, che'ʌch mi caj a tilel ti mucoñibʌl che' wen ñoxetix. 27Cujil isujm ili woli bʌ c subeñet. Mi a wom a taj tijicña bʌ, jac'beñon c t'an, che'en Elifaz.
Currently Selected:
JOB 5: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.