JOB 4
4
Elifaz tsi' tiq'ui Job
1Tsa' caji ti t'an Elifaz, jini ch'oyol bʌ ti Teman. Tsi' yʌlʌ: 2¿Ch'ijiyem ba mi caj a wubin mi tsac pejcayet? Wersa com c cha'len t'an. Mach mejlic c tic' c bʌ. 3Ti yambʌ ora jatet tsa' cʌntesa cabʌlob. Tsa' p'ʌtesʌbeyob i c'ʌb jini c'uño' bʌ. 4Ti a t'an tsa' colta ti wa'tʌl jini wolix bʌ ti yajlel. Tsa' ch'ejl'esa jini mach bʌ wenic i pix. 5Wʌle tsa'ix tili wocol ti a tojlel. Mach cujchic a cha'an. Woli' tajet wocol. Ch'ijiyem a pusic'al. 6Wʌle che' an a wocol, ¿mach ba anic a pijtaya ti Dios? Dios mi' cʌntan jini tojo' bʌ. ¿Mach ba yomic ma' chʌn ñop Dios ti' xuctilel a pusic'al? 7Yom ma' wen ña'tan, ma'anic mi' lon jilel jini toj bʌ mi juntiquilic. ¿A cʌñʌ ba juntiquil toj bʌ tsa' bʌ chojqui ti wocol? 8Cujil chuqui tac mi lac pʌc' mi lac wersa c'aj. Jini mu' bʌ i pʌc'ob jontolil, mu' bʌ i cha'leñob tic'laya, jini jach mi caj i c'ajob. 9Dios mi' yʌ'leñob. Jini cha'an mi' jilelob. Lajal i t'an bajche' p'ʌtʌl bʌ ic' mu' bʌ i jisañob. 10Dios mi' tic'ben i t'an bajlum yujil bʌ jontolil. Mi' c'ʌsben i bʌquel i yej i yal bajlum. 11Mi' chʌmel ti wi'ñal tat bajlum yic'ot ña' bajlum. Mi' pam pujquel i yal.
12-13An chuqui tsa cubi ti mucul. Tsa' caji c ñich'tan che' wen wʌyʌlob c pi'ʌlob. An chuqui tsa' caji j q'uel, che' cañal to c wut woliyon ti tsic pusic'al. 14Tsa' cajiyon ti bʌq'uen. Tsiltsilña c bʌc'tal. 15-16Che' bajche' an chuqui wa'al tic tojlel tsa cubi, pero ma'anic tsiquil tsaj q'uele. Tsi' wejlubeyon c wut che' bajche' ic'. Mulucña c pʌchilel. Ñʌch'ʌlon tsa cubibe i t'an. 17¿Am ba toj bʌ winic ti' tojlel Dios? ¿Am ba sʌc bʌ winic ti' tojlel xMel winicob? 18Dios ma'anic tsa' mejli i yʌc' ti ñuc ti' pusic'al jini ángelob. Tsi' tajayob ti mulil jini x'e'telob i cha'an. 19¿Mach ba ñumen anic i mul winicob? Melbilob i bʌc'tal yic'ot i ts'ubeñal lum. Lajal mi' jejmelob che' bajche' i c'u' mut. 20Ti sʌc'an c'oc'ob to, ti ic'an ma'añobix. Mi bʌc' chʌmelob, ma'anix mi' cha' sujtelob, pero ma'anic majqui mi' p'is ti' wenta. 21Ti ora mi' chʌmelob che' maxto anic i ña'tibal.
Currently Selected:
JOB 4: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.