JOB 40
40
1-2Lac Yum tsi' chʌn pejca Job: Jini woli bʌ i yʌ'leñon, ¿yom ba ochel ti leto yic'ot jini Mach bʌ Anic i P'isol i P'ʌtʌlel? Jini yom bʌ i yʌ'len Dios, la' i sub, che'en lac Yum. 3-4Job tsi' jac'be lac Yum: Awilan, ¿chuqui j c'ʌjñibal? ¿Chuqui mi mejlel c sub? Mic mʌc quej. Ñʌch'ʌlon. 5Tsa'x c cha'le t'an pero mach yomix mic cha' sub. Cha'yajlix tsac cha'le t'an pero jasʌlix. Mach chʌn comix, che'en.
I tsictesʌntel i p'ʌtʌlel Dios
6-7Lac Yum tsi' sube Job ti sutujt ic': Cʌchʌx a bʌ. Pʌsʌ a bʌ ti ch'ejl che' bajche' winic. An chuqui com c'ajtibeñet. Jac'beñon. 8¿Mu' ba a ña'tan mach tojonic? ¿Mu' ba a ña'tan an c mul? ¿Mu' ba a sub a bʌ ti toj? 9¿Lajal ba a c'ʌb bajche' i c'ʌb Dios? ¿Mejl ba a cha'len t'an che' bajche' i t'an chajc?
10Pʌsʌ a bʌ ti ñuc che' bajche' rey mu' bʌ i yumañob winicob. Tsictesan a ñuclel cha'an mi' wersa jac'ob a mandar. 11Pʌsʌ a bʌ ti mich' cha'an mi' ch'ujbiñetob jini chaño' bʌ. Ju'sʌbeñob i pusic'al. 12Q'uele jini chaño' bʌ i pusic'al. Chocoyob jubel. Jisan xjontolilob ya' ba' wa'alob. 13Laj mucuyob ti ts'ubejn. Ñup'uyob ba'an chʌmeño' bʌ. 14Mi awujil melol che' bajche' jini, mux c sub ñuquet, come che' jini mi mejlel a bajñel coltan a bʌ.
15Q'uele jini colem bʌte'el am bʌ ti ja'. C melbalʌch che' bajche' jatet. Mi' c'ux pimel lajal bajche' wacax. 16Q'uele i ya' yic'ot i pat ba' chucul tac i bʌc'tal. 17Che' mi' sʌts' i ñej che'ʌch yilal bajche' ch'ujte'. Jalbil tac i chijil i bʌc'tal i ya'. 18Lajal i bʌquel bajche' tubo tac melbil bʌ ti tsucu taq'uin. Lajal i yoc bajche' barrilla tac melbil bʌ ti fierro.
19Wen jontol jax, ñumen bajche' yan tac bʌ bʌte'el tsa' bʌ i mele Dios. Jini yom bʌ i yuts'esan, la' i ch'ʌm tilel espada. 20Jini mate'el mi' yʌq'uen chuqui tac jach yom i c'ux ya' ba' mi' tilelob ti xʌmbal pejtel bʌte'el. 21Mi' cottʌl ti amuyol ti' ti' ja', mucul ti yebal colem tac bʌ i yopol. 22Jini te' am bʌ colem bʌ i yopol mi' mʌc ti' yʌxñilel. Jini tsu'um am bʌ ti' t'ejl pa' mi' joye'. 23Che' mi' bujt'el ja' mach yujilic bʌq'uen, come wen ajñel mi' majlel. Mi tsi' wets'e jini Jordán ja' ti' tojel i wut, xuc'ul i pusic'al. 24Ti pejtelel ora yʌxʌl i yo che' mi' tajob winicob. ¿Mejl ba i chucob ti yac? ¿Mejl ba i cʌchbenob i ni' cha'an mi' pʌyob majlel?
Currently Selected:
JOB 40: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.