JOB 2
2
1Tsa' cha' tiliyob ti wa'tʌl ángelob ti' tojlel Dios. Ya'an ja'el Satanás ti' tojlel. 2Dios tsi' c'ajtibe Satanás: ¿Baqui tsajñiyet? che'en. Jini xiba tsi' jac'ʌ: Tsajniyon ti pañimil ba' tsac cha'le xʌmbal ñumel ti lum, che'en. 3Dios tsi' sube: ¿Tsa' ba a q'uele c winic Job? Ma'anic yambʌ ti pañimil bajche' jini. Uts'at i pusic'al. Mi' cha'len chuqui toj. Mi' bʌc'ñan Dios. Mi' cʌntan i bʌ. Ma'anic mi cha'len mulil. Lolom jach tsa' xiq'uiyon ti' contra. P'ump'un tsa' tic'la cha'an mi' p'ajon, pero chʌn xuc'ul to quic'ot. Anquese ma'anic i mul tsa' lon ña'ta a techbeñon c mich'ajel cha'an mic jisan, che'en lac Yum. 4Satanás tsi' yʌlʌ: Junlajal winicob, mi' bajñel c'uxbiñob i bʌ. Che'ʌch ja'el Job. Anquese ma'anix i chubʌ'an, chʌn tijicna i pusic'al cha'an c'oc' to i bʌc'tal. 5Sʌts'ʌx a c'ʌb cha'an ma' wʌq'uen i chʌmel. Ya'to ma' wilan, mi caj i p'ajet ti' tojel a wut, che'en. 6Lac Yum tsi' sube: Awilan, mi cʌq'ueñet jini c winic. Cojach i cuxtʌlel mach mejlic a tʌl, che'en lac Yum.
7Jini cha'an tsa' loq'ui Satanás ti' tojlel lac Yum. Tsi' yʌq'ue i c'amʌjel Job. Tsa' pasi tsoy ti' cotol, ti' xinjol c'ʌlʌl ti' mal i yoc. 8Job tsi' loto i xejt'il uc'um cha'an mi' juc' loq'uel i pujwil. Tsa' buchle ba'an i tʌñil c'ajc.
9I yijñam tsi' sube: ¿Xuc'ul to ba a pusic'al a wic'ot Dios? P'aja Dios cha'an ma' junyajlel chʌmel, che'en i yijñam. 10Job tsi' sube i yijñam: Lajal ma' cha'len t'an che' bajche' tonto bʌ x'ixicob. Tsa'ix lac taja cabʌl wen tac bʌ ti' c'ʌb Dios. ¿Mach ba yomic mi lac taj wocol ja'el? che'en Job. Che' jini tsi' cʌnta i yej Job. Anquese cabʌl i wocol, ma'anic tsi' cha'le mulil.
11Tsa' caji i yubiñob uxtiquil i cʌñʌyo' bʌ, woli ti wocol Job. Tsa' loq'uiyob ti' lumal ba' chumulob, Elifaz ch'oyol bʌ ti Teman, Bildad ch'oyol bʌ ti Suha, yic'ot Zofar ch'oyol bʌ ti Naamat. Temel tsa' tiliyob i jula'tan Job cha'an mi' ñʌch'chocobeñob i pusic'al cha'an i wocol. 12Che' bʌ tsi' ñajti q'ueleyob, ma'anic tsi' cʌñʌyob. C'am tsa' cajiyob ti uq'uel. Tsi' tsiliyob i bʌjq'uil. Tsi' mujlayob i bʌ ti ts'ubejn. 13Wucp'ejl q'uin yic'ot wucp'ejl ac'ʌlel buchulob ti' t'ejl. Ma'anic tsi' wis pejcayob, come tsi' q'ueleyob wen ch'ijiyem jax cha'an wocol.
Currently Selected:
JOB 2: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.