METIAS 3
3
Yôanes Babtist
(Mk 1:2-6; Lk 3:1-6; Yoa 1:19-23)
1Melu mete, Yôanes Babtist a nga lôt, a kele a yôtan afan-afan, e si ya Yudé 2a jôʼô na: Kôñelaʼane minlem amu éjôé ya yôp é ntoo bebé. 3Nye a ne môte Nkulu Mejô Ezayi a nga jôô nye na: Tyiñe ñyôtan afan-afan ja jô na: Kômane zene Nti, sôʼane mezene mé zôsôô ne tiññ. 4Yôanes émien a mbe a beʼe éyé é too ntiñan a mimvot mi kamel, kandé ékôp é tii nye angeteñ; bidi bié bi mbe bitandak a wôé ya mefan. 5Eyoñe te Yérusalém a mbe a kele be nye a Yudé ase a afôla si ese ya Yordan, 6be memek minsem miap a duban e mo mé e mendim mʼôsôé Yordan.
Kôñelaʼane minlem!
(Lk 3:7-9)
7Ayene a nga yene befarizieñ a besadusieñ abui be zaʼak e nduane bôte wé, a nga jô be na: A Mvoñe mekpwele nyô! Za a nga yeʼele mia na mi tub ayaa da zu? 8Wumane ñhe ébuma ja yiane nkôñelane nlem, 9a te mia bo zezé énguñ e be mia bebiene na: Abraham a ne ésaa wongan! Amu ma kate mia bebela na, Zambe a ne soo Abraham bon e mekoʼo ma. 10Amu ôvôn ô mbôô tine bilé a élé ése ja ye bo te wume bibuma bi ne mvaé, ba ye baʼé je a wua je e nduan.
Mbaptizô mendim a wu nduan
(Mk 1:9-11; Lk 3:21-22; Yoa 1:29-34)
11Ma ma du mia e mendim asu nkôñelane minlem, ve nyô a zu ma mvus a ne ngul a dañe ma: me nji bo nyô a yiane vaa nye besilefas; nye a ye du mia e Mfufube Nsisim été a e nduan été. 12Esobelé ja seʼese biôm é ne nye wo, a ye bale afôla si dé a kôane nlisi angun; ve a ye diʼi bikumba e nduan é ne te dim été.
13Ane Yésus a nga so Galilé na a ke Yordan e be Yôanes na a du nye. 14Nde Yôanes a nga tyiʼi nye ôsu a jô nye na: Ke ma ma yiane duban e be wo, ye wo wo viane zu be ma? 15Ane Yésus a nga yalan a jô nye na: Tame jôʼé éyoñe ji, amu avale di nde da yian asu dangan na zôsôô ase a jaléban. Eyoñe te a nga jôʼé nye. 16Nné ane Yésus a nga mane duban, a nga kôlô mendim été été a dañ e kindik, ateme na yôp e nga yombô asu dé a Nsisime Zambe ô nga sise be nye ane zum; 17ateme fe na tyiñ é nga so yôp é jôʼô na: Nyôna a ne mone wom ma dañe nyeʼe me bili mevak e be nye.
Currently Selected:
METIAS 3: BULU09
Highlight
Share
Copy
Want to have your highlights saved across all your devices? Sign up or sign in
© LʼAlliance Biblique du Cameroun, 2009