Sawal la giled’a 90
90
MBAKTUM MBA FID’ID’A
(90—106)
Sana mba mi kala, wani Alona ni Ma kak didina
1Wana ni tchen nda Moise sana hAlonina mi tcheneta.
Salad’a, angî yi mami ma ngeid’a
kur atchogoi d’a lara ge pet.
2Avok kid’a ang bei lahuniyôna
kandagad’a ki duniyad’a tua d’a,
adjeu dei gak ini burâ ki burâ angî Alona.
3Ang nga mbut suma andaga d’a gugud’upa,
ang nga dazi ala: Agi hulongôgi kä andaga.
4Bizad’a dubu avorongî d’igi bur ma kal lei kamina na,
ni d’igi ler ra tcha d’a andjeged’a na mi.
5Ang nga kal suma woi
d’igi mbiyo ma kus ma nga mi kal ahlena woina na,
d’igi adï d’a de sana andjeged’a na.
A ni d’igi asuna mi deî na.
6Yorogo mi wula mi b’o,
fladege mi lugod’a mi so woi mi.
7Gagazi, ami nga dabami woi abo hur mang ma zala,
ami nga zlagami abo ayî mang ma djulula mi.
8Tcho mamid’a nga ni tinda pid’ak kei avorongû,
zla mami d’a gumunda, ang wat tei kur b’o manga mi.
9Burumi nga mi dap pei atogo abo ayî mangâ,
bizami ni d’igi djib’er ra sana mi djib’ereta na mi.
10Bizami ni dok kid’iziya,
suma ad’engâ, mazid’a ni dok klavandi mi.
Hina pet pî, sun mat ta led’a ni ndaka ki hohoud’a;
nga d’i kal lei atogo; ami nga bomi mi.
11Ni nge ba, mi wad’enga hi hur mang ma zalid’a ge?
Sama mi ringîng mandarangâ,
ni mam ba, mi wayî mang ma djulula.
12Ang had’ami á ndum burumiya.
Hina wani, ami mba mbud’umi suma ned’a.
13Ma didina, ang mba ar ayî mangâ kami hina gagak mindja ge?
Ar ang wami ami azungeî mangâ hohowomiya!
14Ki yorogo tcholola ar ang hobomi ki o mang nga didinda!
Hina wani, ata yima ami nga ki irami tua na,
ami mba lami furîd’a teteu.
15Ar ang oyômi ki furîd’a
ndak yam bur ma ang oyômi ki hohoud’ina;
ar ang oyômi ki furîd’a
ndak yam biza d’a ang oyômi ki ndakid’a mi.
16Ang ar ami azungeî mangâ wami sun mang nga ad’enga,
ar gromi ngolona a we subur manga mi.
17Salad’a Alo mamina, ar ang vami sumad’a!
Ang ar sirami sun mami d’a abomid’a.
Gagazi, ang sira sun ndata abomiya!
Currently Selected:
Sawal la giled’a 90: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
