Sawal la giled’a 8
8
Subura hAlonid’a ki ngola hi sanid’a
1Ni sawal la David mi hlat kadingâ hi Gat-na mi hat mi ma ngolâ hi suma hle sawalina.
2Ma didina, Salad’a,
simiyêng ni ma kal tegles yam andagad’a petna.
Ang nga tak ngol mang nga kal teglesa woi kur akulod’a.
3Ang mba nde ki giled’a avun gugureina ki kem mba tchapona
á d’el mang suma djangûna
ki suma a hal hlatchugulina bei de zlad’a mi.
4Ata yima an gol akulod’ina,
nala, sun nda ang lat kabonga,
ata yima an gol tilâ ki tchitchiud’a
suma ang tinizi sä akulonina,
5an nga ni djop tan ala:
Sana ni nge ba, ang djib’er kam ge?
Gor sana ni nge ba, ang ngomom ge?
6Ang im subur mamba akulo go
d’igi d’a hi ang Alonid’a na,
ang kulubum avaval la amula kamu,
ang hum ngola mi.
7Ang tinim á te yam ahle suma ang lazi kabongâ pet,
ang hum ahlena pet abomu,
8nala, tumiyôna, b’ogeina, amuzleina,
azureina kamburei suma abageina,
9aluweina, kulufâ
kahlena pet suma a nga kur alum ma ngolîna mi.
10Ma didina, Salad’a,
simiyêng ni ma kal tegles yam andagad’a petna.
Currently Selected:
Sawal la giled’a 8: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
