Sawal la giled’a 61
61
Alona ni yima ngeid’a
1Ni sawal la gile d’a David mi hlat kadingâ mi hat mi ma ngolâ hi suma hle sawalina.
2Alo mana, ang hum tchi mana,
ang tin humang hum tchen manda.
3Ata yima an ndak kuo
an woi dei avun dabid’a handagad’ina,
an nga ni yangû, ang ndjununu,
ang tinin yam ahina d’a fiyak ka ked’iwurenga.
4Kayam angî yi man ma ngeid’a,
angî gong nga fiyak ka akulo
d’a ad’eng nga d’el man suma djangûnid’a.
5An min kak kur zlub’u manga teteu,
an hal yima ngeid’a nad’u ahlabangû.
Tchol ndjö
6Alo mana, ang hum vun ma hle ma an hlangzina,
ang han djo mana zlapa ki suma a nga lang mandarangâ mi.
7Ang han an amulâ burun fiyaka,
ang han bizan ablaud’a mi.
8Ar an tamula avorong ang Alona teteu,
ar o mang nga didinda ki gagazi manga a ngomon mi.
9Hina wani, an mba ni gileng simiyêng teteu,
an mba ni ndak vun vun man ma hled’a teteu mi.
Currently Selected:
Sawal la giled’a 61: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
