Sawal la giled’a 60
60
Tchenda hi suma ayîna kus kazina
(Ni yam verse ma 7-14-na, ang gol Saw Gil 108.7-14)
1Ni sawal la gile d’a David mi hlat mi hat mi ma ngolâ hi suma hle sawala á hat ki sumid’a.
2Mi hlat ni kid’a mi dur ayîna ki suma Siri suma Mesopotami-na ki suma Siri suma Soba-na mi d’a. Ata yi máma Jowap mi hulongîya, mi dur suma Edom-ma kur hor ra Ndjuvuna, mi tchi suma 12.000.
3Alo mamina, ang arami woyo, ang b’rawami woi yayak,
ang hurung zal kamiya,
wani ki tchetchemba, ang hulongômi blangâmina.
4Ang yir andagad’a, ang wagat teyo,
wani ki tchetchemba, ang tozot irat ta waka,
kayam nga d’i giged’a.
5Ang tak sum mangâ ndaka ngola.
Kayam ndata, ami nga tchami tata abo ndaka
d’igi suma a nga gurut ki sümina na.
6Ang ge hum suma a lang mandarangâ,
kayam a ring ngei avok suma a nga mba atazi á durâ ki yeûd’ina.
Tchol ndjö
7Kayam suma ang le kazina a sud’a d’a,
ang humumiya, ang sud’umi kad’eng manga.
8Alona, ang deï zlad’a kur gong mang nga kud’ora ala:
Ayî ma kusa ni mana,
an mba ni b’rau Sikem mbeyo,
an mba ni nga hor ra Sukot-ta ni an mi.
9Galät ni manda, Manase ni manda mi.
Efraim ni djum mba kanda,
Juda ni totogo man nda tamula mi.
10Mowap nangot man nda mbus tanda,
Edom ni yima an tchuk atuguru mana kuana.
Filistê-na a mba hle sawal la kus ayîna kanu.
11Ni nge ba, mba mi in kur azì ma ad’engâ ge?
Ni nge ba, mba mi in kur ambas sa Edom-mba ge?
12Ni ang Alo ma arami woina,
ni ang ma i nga ki b’rang mamid’a
avun ayîna d’uo na d’uo zu?
13Ang mbeï ndjunumiya, ang dur mami suma djangûna,
kayam ndjunda hi sanid’a ndak va d’i.
14Ni ki ang Alona ba, ami mba kuzumi ayîna;
ni ang ba, mba miret mami suma djangûna kä.
Currently Selected:
Sawal la giled’a 60: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
