Sawal la giled’a 53
53
Sama bei wAlonina
(Gol Saw Gil 14)
1Ni sawal la gile d’a David mi hlat mi hat mi ma ngolâ hi suma hle sawalina.
2Suma lilid’a a nga de kuruzi ala: Alona nga d’i!
Azi ni suma b’lak keina,
a le ni sun nda ndjendjed’a;
sama le djivid’a tu pî nga d’i.
3Alo ma sä kaka akulona,
nga mi gol suma kä yam andagad’ina
á we sama ne ma halam mam Alonina nga zu?
4Azi pet a vit teyo,
a mbut tchod’a abo tazi tu;
sama le djivid’ina nga d’i, tu pî nga d’i.
5Ma didina mi dala:
Na ni suma le tchod’a a nga wad’ud’a d’uo zu?
Azi nga te sum mana d’igi azi tavuna na,
azi nga yan simiyên ndi.
6Fata Alona mba mi nde tam mbei aduk suma d’ingêrîd’a,
azi mba le mandarâ.
Ata yi máma azi mba zlak abo mandarâ
bei we vama azi le mandarâ aboma ba.
Alona mba mi sam asok suma a ndang ayînina woi abageya.
Ang mba mbud’uzi zulona kayam Alona mi noyôzi woyo.
7Ni nge ba, mba mi mba ki suta yam Israel-lâ kur Siyon nge?
Fata Ma didina mba mi hulongôzï woi kur magombid’a,
ata yi máma andjafâ hi Jakob-ma mba mi le furîd’a,
Israel-lâ a mba le hur ma hapma.
Currently Selected:
Sawal la giled’a 53: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
