Sawal la giled’a 52
52
Sariya d’a kad’a yam tin hur yam ndjondjoîd’ina
1Ni sawal la gile d’a David mi hlat mi hat mi ma ngolâ hi suma hle sawalina.
2Mi hlat ni kid’a Dowek ma Edom-ma mi mba mi de mi Saul ala David mi kal nga avo hi Ahimelegu d’a.
3Ang sama le suma kad’eng mangina, ni kayam me ba,
ang subur tang yam tcho mang nga led’a na ge?
Od’a hAlonid’a ti nga ni burâ ki burâ.
4Sinang afefeta á de zla d’a asa’ata;
ti te ni d’igi vel ma a ligid’em siyama na;
ang nga mbut ir suma mi.
5Ang min tchod’a kal djivid’a,
ang min zla d’a kad’a kal gagazid’a mi.
Tchol ndjö
6Ang ma ka zlad’a,
ang min ni zla d’a b’lak yina.
7Alona mba mi b’lagang ngei ki irang fafat,
mba mi diging ngei kur aziyangû,
mba mi pad’ang ngei aduk suma yam andagad’ina mi.
Tchol ndjö
8Suma d’ingêrâ a mba we, a mba le mandarâ,
a mba san ad’ung ala:
9Wana ni sama mi deng nga tam ata Alona d’uo na:
Ni sama mi tin hurumî yam ndjondjoî mamba,
mi deng tamî yam lem mambina.
10Wani anu, an nga tchola kur gonga hAlonid’a
d’igi agu olif ma d’ufa na,
an tin hurun ni yam od’a hAlonid’a burâ ki burâ gak didin.
11Alona, an nga ni gileng teteu yam sun nda ang lata.
An min tin hurun ni yam ang avok mang suma d’engzengâ,
kayam angî ma djivina.
Currently Selected:
Sawal la giled’a 52: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
