Sawal la giled’a 146
146
Ma didina ni ma ndjun suma amangeîna
1Agi gilegi Ma didina!
An nga ni gile Ma didina mi.
2An mba ni gile Ma didina
ata yima an nga ki iran tua na,
an mba ni gile Alo mana ki sawala
ata yima an nga ki irana.
3Agi tinigi hurugi yam suma nglona
d’oze yam suma ad’engêzi ndak á sut sa d’uo na d’i.
4Muzugazi nga mi iya,
a nga hulong kä aduk andagad’a.
Kur bur máma nga hur mazina mi dap pei mi.
5Sama Alona hi Jakob-ma nga mi ndjunuma
ni ma nga ki furîd’ina;
ni ma tin hurum yam Ma didina Alo mamina mi.
6Ma didina mi lakulod’a kandagad’a,
mi lalum ma ngolâ kahlena pet suma a nga kuruma,
nga mi ngom gagazid’a teteu mi.
7Nga mi ka ir zlad’a hi suma a nga djobozi vunazina,
nga mi he tena mi suma meid’a nga d’i tchazina mi.
Ma didina mi tchuk suma dangeina akulo,
8nga mi mal ir suma duka woyo,
nga mi d’op suma gun kä na woyo,
nga mi le yam suma d’ingêrâ mi.
9Ma didina nga mi ngom angoyogeina,
nga mi ndjun ma hokuyod’a katcha d’a modonod’a,
wani nga mi b’lak nga hurâ hi suma asa’atnina woyo.
10Ma didina mba mi te yamba gak didin.
Siyon, Alo ma’â ni ma nga kaka
kur atchogoi d’a lara ge petna.
Agi gilegi Ma didina!
Currently Selected:
Sawal la giled’a 146: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
