Sawal la giled’a 142
142
Tchenda hi sama a nga djobom vunama
1Ni sawal la David mi hlata. Ni tchen nda mam nga mi tchenet kid’a mam nga kur zul la ahinad’id’a.
2Ma didina, an nga ni yang ki delen akulo;
Ma didina, an nga ni tchenengû.
3An mba ki zla manda avorongû,
an tining ndak manda kä avorong mi.
4Ata yima djib’er manda nga ata yat tuo na,
ang nga we lovot manda.
Lovot ta an nga ni tit kuad’a,
a gun nga dauna kä avoronu.
5Ang gol irang ata abon ma ndjufâ,
ang wala sama wana nga d’i,
yima an ngei tan kuana nga d’i,
sama djib’er kana nga d’uo mi.
6Ma didina, an nga ni yangî angû,
an nga ni dala:
Angî yi man ma ngeid’a,
angî b’rau manda aduk suma
a nga ki irazi yam andagad’ina.
7Ang kak tchugot ang hum yi d’a an nga ni yanga,
kayam an nga kur hohoud’a ngola.
Ang prud’un ndei abo suma a nga digina,
kayam azi ad’enga kalanu.
8Ang pad’an ndei kur dangei mana,
kayam an gileng simiyêngû.
Ata yima ang lan djivid’ina,
suma d’ingêrâ a mba nguyunu.
Currently Selected:
Sawal la giled’a 142: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
