Sawal la giled’a 14
14
Sama bei wAlonina
(Gol Saw Gil 53)
1Ni sawal la David mi hlat mi hat mi ma ngolâ hi suma hle sawalina.
Suma lilid’a a nga de kuruzi ala: Alona nga d’i!
Azi ni suma b’lak keina,
a le ni sun nda ndjendjed’a;
sama le djivid’a tu pî nga d’i.
2Ma didin ma sä kaka akulona,
nga mi gol suma kä yam andagad’ina
á we sama ne ma halam mam Alonina nga zu?
3Azi pet a vit teyo,
a mbut tchod’a abo tazi tu;
sama le djivid’ina nga d’i, tu pî nga d’i.
4Ma didina mi dala:
Na ni suma le tchod’a a nga wad’ud’a d’uo zu?
Azi nga te sum mana d’igi azi tavuna na,
azi nga yan simiyên ndi.
5Fata Alona mba mi nde tam mbei aduk suma d’ingêrîd’a,
suma le tcho ndazina a mba le mandarâ ngola.
6Agi suma le tchod’a, agi nga b’lagagi va
ma sama hohoud’a mi nga hurum kama woyo,
wani Ma didina ni ma ngomoma.
7Ni nge ba, mba mi mba ki suta yam Israel-lâ kur Siyon nge?
Fata Ma didina mba mi hulongôzï woi kur magombid’a,
ata yi máma andjafâ hi Jakob-ma mba mi le furîd’a,
Israel-lâ a mba le hur ma hapma.
Currently Selected:
Sawal la giled’a 14: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
